12.01.2025 | 11:41
Հրդեհ՝ Հյուսիսային պողոտայի սուպերմարկետներից մեկի պահեստային հատվածում
Ռոբերտ Քոչարյանի դրվագով, ոնց որ թե, ամեն ինչ բացահայտված է․ Անդրանիկ Քոչարյան. ՏԵՍԱՆՅՈՒԹ
Հասարակություն
15.05.2019 | 17:42
«Ռոբերտ Քոչարյանին աջակցողների թվում առաջին հերթին պետք է լինեն իր ընտանիքի անդամները, բայց միայն իր տղան է երևում»,- խորհրդարանում պատասխանելով Factor.am-ի հարցին՝ ասաց ԱԺ «Իմ քայլը» խմբակցության պատգամավոր, պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով սահմանադրական կարգի տապալման համար մեղադրվող ՀՀ երկրորդ նախագահ Ռոբերտ Քոչարյանի դատավարությանը զուգահեռ ընթացող ակցիաներին։
Անդրանիկ Քոչարյանը նկատեց՝ երկրորդ նախագահի աջակիցներից մեկն իրեն շատ լկտի է պահել՝ շիշ նետելով քաղաքացիական ակտիվիստ Վարդգես Գասպարիի ուղղությամբ։
Հիշեցնենք՝ մայիսի 13-ից մեկնարկած նախնական դատական նիստին զուգահեռ դատարանի դիմաց ակցիա են անցկացնում մի խումբ քաղաքացիներ, որոնց մի մասը, ինչպես իրենք են վստահեցնում, Քոչարյանի աջակիցներն են, մյուսները՝ հակառակը։ Այդ օրը դատարանի մոտ պարբերաբար քաշքշուկ էր տեղի ունենում, Քոչարյանի աջակիցները Գասպարիից խլում են նրա պաստառը, ապա շշով հարվածում նրան։
«Նմամ պահվածք ունեցողները, որոնք ես համարում եմ պրովոկացիոն գործընթացներ, պետք է պատասխան տան։ Քոչարյանին աջակից չի եղել ո՛չ իր ընտրվելու ժամանակ, ո՛չ էլ պաշտոնավարման ընթացքում։ Իրեն աջակից եղել են իր ընտանիքն ու այն անձինք, որոնք իր միջոցով հսկայական կարողություն են կուտակել և այսօր, եթե չեն ընդունում, որ միլիարդատեր են, ապա ասում են՝ միլիոնատեր են»,- միջադեպի հետ կապված տեսակետ հայտնեց Անդրանիկ Քոչարյանը։
Մանրամասները՝ տեսանյութում։
Շողիկ Գալստյան
