08.03.2026 | 14:15
Իմ տղայի ծաղիկն եմ ուզում, իմ բալային եմ ուզում. անհետ կորածների մայրերի ակցիան` Մարտի 8-ին. ՏԵՍԱՆՅՈւԹ
Անթույլատրելի եմ համարում, երբ որևէ մարդ, դեռևս չդատված, կալանքի տակ է. Պարույր Հայրիկյանը՝ Ռոբերտ Քոչարյանի դատավարության մասին
Հասարակություն
15.05.2019 | 17:33
Անթույլատրելի եմ համարում, երբ որևէ մարդ, դեռևս չդատված, կալանքի տակ է: Մայիսի 15-ին լրագրողների հետ հանդիպմանն ասաց ԱԻՄ առաջնորդ Պարույր Հայրիկյանը՝ անդրադառնալով ՀՀ երկրորդ նախագահ Ռոբերտ Քոչարյանի գործով դատավարությանը:
«Դատավարությունն ընդհանրապես սարսափելի երևույթ չեմ համարում: Սարսափելի եմ համարում, երբ որևէ մարդ, դեռևս չդատված, կալանքի տակ է: Դա կարող է վերաբերել նույնիսկ ամենածանր հանցագործություն կատարած մարդուն: Բացառություններն այն դեպքերն են, երբ հանցագործության մեջ մեղադրվողը կարող է վնասել քննությանը կամ փորձել փախչել»,- ասաց Հայրիկյանը:
Նրա խոսքով՝ լավ կլիներ, որ Ռոբերտ Քոչարյանի կամ մյուսների գործով քննությունն ընթանար՝ առանց նրանց նախնական կալանքի. «Մինչև այն պահը, երբ ակնհայտ կլիներ, որ նրանք խանգարում են նախաքննությանը կամ դատաքննությանը»:
Ինչ վերաբերում է երկրորդ նախագահին առաջադրված մեղադրանքին, ըստ Պարույր Հայրիկյանի՝ այնպիսի մեղադրանք է ընտրված, որը լուրջ հիմնավորումներ է պահանջում, քանի որ սահմանադրական կարգը խախտելու մեջ ամենավերջինը կարող է մեղադրվել այդ պահին Սահմանադրության գլխավոր պատասխանատուն:
