03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Ընդդեմ Քոչարյանի ցույցին անչափահասներ են մասնակցել. Yerevan.Today-ի հաղորդումը հանցագործության մասին
Հասարակություն
15.05.2019 | 13:21
ՀՀ երկրորդ նախագահ Ռոբերտ Քոչարյանի դատավարության ընթացքում մայիսի 14-ին դատարանի բակում անցկացվող ակցիաների ժամանակ Yerevan.Today-ը ֆիքսել է, որ դրանց անչափահասներ են մասնակցում: Կայքի նկարահանող խումբը նաև արձանագրել է, որ երեխաների ձեռքին «Ցմահ», «Ռոբ Մարդասպան», «Rob Killer», «դուխով» և այլ պաստառներ են եղել:
Նշելով, որ ակցիայի չափահաս մասնակիցները խոչընդոտել են լրագրողի աշխատանքը, ինչպես նաև մեղադրել՝ առանց ծնողի թույլտվության անչափահասի հետ հարցազրույց անելու համար, կայքը փաստում է, որ երեխաները ներքաշվել են քարոզչության մեջ: Ավելի ուշ կայքի օպերատորին են զանգահարել անհայտ անձինք՝ ներկայանալով որպես ոստիկանության Մասիսի բաժանմունքի աշխատողներ և զրույցի հրավիրելով:
Yerevan.Today-ն այս կապակցությամբ հրավիրել է ՀՀ ոստիկանապետ Վալերի Օսիպյանի, մարդու իրավունքների պաշտպան Արման Թաթոյանի, անչափահասների իրավունքների և լրագրողների շահերի պաշտպանությամբ զբաղվող կազմակերպությունների ուշադրությունը՝ ահազանգելով «կատարված հանցագործության մասին, այն է՝ երեխաներին ներքաշել ատելության քարոզի մեջ, խոչընդոտել լրագրողների աշխատանքը և հաշիվ մաքրել նրանց հետ»:
