09.06.2026 | 10:10
NYMEX. Թանկարժեք մետաղների գները նվազել են
Հայկ Ալումյանը դատավորին ինքնաբացարկ հայտնեց. ՏԵՍԱՆՅՈՒԹ
Հասարակություն
13.05.2019 | 16:30
Ռոբերտ Քոչարյանի պաշտպան Հայկ Ալումյանն այսօր ինքնաբացարկ հայտնեց գործը քննող դատավոր Դավիթ Գրիգորյանին։
Ըստ Ալումյանի՝ ինքնաբացարկի հիմքերից մեկն այն է, որ գլխավոր դատախազ Արթուր Դավթյանը, որը այս գործով հանդիսանում է որպես կողմ, նիստերի դահլիճ է մտել դատավորի համար նախատեսված ծառայողական մուտքով և այս հանգամանքը կարող է կասկած հարուցել, որ դատավորը չի պահպանել դատավարական կողմերի հավասարության սկզբունքը։
Ըստ պաշտպանի՝ ինքնաբացարկի հիմք է հանիսանում այն, որ դատավորը, եթե օժտված չէ գերբնական հատկություններով, չէր կարող ծանոթանալ քրեական գործի 80 հատոր նյութերին այսքան կարճ ժամանակահատվածում և չէր կարող Քոչարյանի խափանման միջոցի հարցի վերաբերյալ որոշում կայացնել։
«Մեր հարցին ի պատասխան դատավորը չժխտեց, որ, ըստ էության, ծանոթ չէ քրեական գործի ողջ նյութերին։ Հայտնի չէ նաև, թե դատավորը քրեական գործի ո՞ր նյութերն է հաշվի առնելու՝ Քոչարյանի խափանման միջոցի հարցը լուծելիս»,- ասաց Ալումյանը՝ նշելով, որ այսպիսով իրենց զրկում են Քոչարյանի պաշտպանությունն արդյունավետ կերպով իրականացնելու հնարավորությունից։
Ալումյանն անդրադարձավ նաև գործը քննող դատավորի վերաբերյալ ԲԴԽ-ի որոշմանը և նշեց, որ ԲԴԽ-ում նման վարույթի առկայությունը կարող է որպես լծակ օգտագործվել Դավիթ Գրիգորյանի դեմ՝ նրա անկախությունն այս գործով սահմանափակելու համար։
Մանրամասները՝ տեսանյութում։
