23.07.2026 | 22:53
Կոնֆերենցիաների լիգա. «Նոան» խուսափեց պարտությունից
Արսեն Թորոսյանն այն մասին՝ արդյո՞ք Դավիթ Սանասարյանի հետ փոխհրաձգության մեջ են. ՏԵՍԱՆՅՈՒԹ
Հասարակություն
13.05.2019 | 12:10
Առողջապահության նախարար Արսեն Թորոսյանը վստահեցնում է՝ իրենք որևէ բան չեն արել Պետական վերահսկողական ծառայության դեմ, ընդամենը ցանկացել են բացառել պետական գնումներին որևէ միջամտություն: Նախարարն այս մասին ասաց իր ամփոփիչ ասուլիսի ժամանակ պատասխանելով հարցին՝ արդյո՞ք իր ցուցմունքի հիման վրա են Դավիթ Սանասարյանին մեղադրանք առաջադրել և առկա՞ է, արդյոք, իր ու նրա մեջ փոխհրաձգություն:
«Կոնկրետ մեր կողմից կային կասկածներ, որ պետական գնումների վերաբերյալ կա միջամտություն, և մենք դիմել ենք համապատասխան մարմիններին, իրենք էլ կորոշեն՝ կա՞ր միջամտություն և պետական դիրքի չարաշահում, թե՞ ոչ։ Ես դատարանի դեր չեմ պատրաստվում ստանձնել, բայց միշտ ասել եմ, հիմա էլ կրկնում եմ, որ եթե ինձ հայտնի է մի բան, որը պետք է իրավապահ մարմիններն իմանան, նրանք դա կիմանան։ Հիմա քննությունը ցույց կտա՝ ով էր ճիշտ, ով սխալ»,- ասաց Թորոսյանը։
Հարցին՝ իր և ՊՎԾ նախկին պետ Դավիթ Սանասարյանի միջև այս թեմայով ֆեյսբուքյան նամակագրություն եղե՞լ է, նախարարը պատասխանեց. «Ես Դավիթ Սանասարյանին ճանաչում եմ 2008 թվականից, և իրար բազմաթիվ նամակներ ունենք գրած, այդ թվում՝ այս թեմայով։ Ես ուրախ եմ, որ Դավիթ Սանասարյանը քննությանը տրամադրել է այդ նամակները»:
Մանրամասները՝ տեսանյութում։
Ռոբերտ Անանյան
