29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Կարծում եք՝ ցանկացած հայտարարություն հանցագործության մասին հաղորդու՞մ է. դատախազը՝ Փաշինյանի հայտարարած՝ Բաղրամյան 26 տարած փողերի մասին. ՏԵՍԱՆՅՈՒԹ
Քաղաքականություն
10.05.2019 | 16:44
Օրենքով գլխավոր դատախազն է որոշում քրեական գործերի նախաքննական մարմինների փոփոխության հարցը: ԱԺ-ում լրագրողների հետ զրույցում ասաց ՀՀ գլխավոր դատախազ Արթուր Դավթյանը՝պատասխանելով Factor.am-ի հարցին, թե Նիկոլ Փաշինյանը ո՞ր օրենքով է որոշել, որ ՊՎԾ պետ Դավիթ Սանասարյանի գործով պետք է շարունակի ԱԱԾ-ն զբաղվել:
Հիշեցնենք, որ Նիկոլ Փաշինյանն իր մամուլի ասուլիս ժամանակ հայտարարել էր, թե ԱԱԾ տնօրեն Արթուր Վանեցյանն առաջարկել է գործը փոխանցել ՀՔԾ-ին, բայց ինքը համամիտ չի եղել:
Դատախազն ասաց նաև, որ ՊՎԾ պետն այն սուբյեկտների ցանկում չէ, որոնցով պետք է ՀՔԾ-ն զբաղվի:
Նիկոլ Փաշինյանը մեկ տարի առաջ հայտարարել էր նաև, որ գործարարները Սերժ Սարգսյանի իշխանության օրոք Բաղրամյան 26 գումարներ են տարել: Factor.am-ը Արթուր Դավթյանից հետաքրրքվեց՝ ինչո՞ւ իրավապահ համակարգը հետևողականություն չցուցաբերեց այս հայտարարության հարցում, քանի որ այն հաղորդում էր հանցագործության մասին. «Դուք կարծում եք՝ ցանկացած հայտարարություն քրեադատավարական օրենքի իմաստով հաղորդու՞մ է հանցագործության մասին: Ո՛չ»:
Մանրամասները՝ տեսանյութում:
Նարեկ Կիրակոսյան
