Հասարակություն
10.05.2019 | 15:21Անտառային ոլորտում լայնածավալ փոփոխություններ են իրականացվելու՝ ինստիտուցիոնալ և օրենսդրական։ Այս մասին Կառավարության նիստից հետո պատասխանելով Factor.am-ի հարցին՝ ասաց ՀՀ բնապահպանության նախարար Էրիկ Գրիգորյանը։
«Ներկայացրել ենք նախագիծ, որը թիրախային ուղղված է այն բացերին, որոնց պատճառով անտառհատումների համար պատիժները բավարար չափով կանխարգելիչ չէին, այսինքն՝ հնարավոր էր ուղղակի պարբերաբար ապօրինի անտառհատումներ անել ինչ-որ ծավալով, բռնվել կամ չբռնվել, բռնվելու համար վճարել ինչ-որ վարչական գումար և հաջորդ օրը կրկին դա անել: Նաև հատումների համար կար նախատեսված, բայց տեղափոխումների համար չկար: Իսկ բոլոր դեպքերում տեղափոխման ժամանակ ավելի շատ են լինում դեպքերը: Նաև տարանջատել ենք, օրինակ՝ շահույթ հետապնդելու համար որպես ծանրացուցիչ հանգամանք, երբ մարդիկ բիզնեսի համար են անում»,- նշեց նախարարը։
Մանրամասները՝ տեսանյութում։
Շողիկ Գալստյան
