13.08.2026 | 10:17
Ուկրաինական ԱԹՍ-ները հարվածել են Բաշկորտոստանի «Գազպրոմ Նեֆտեխիմ Սալավատ» ընկերության տարածքին
Ռոբերտ Քոչարյանի պաշտպանները կարող են օգտագործել նախկինում Դատախազության կողմից չբեկանված շինծու գործերը․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
10.05.2019 | 13:05
Ազգային ժողովի «Իմ քայլը» խմբակցության պատգամավոր Անդրանիկ Քոչարյանը Գլխավոր դատախազ Արթուր Դավթյանից այսօր հետաքրքրվեց՝ Մարտի 1-ի գործով արդյոք որևէ ցուցում տվե՞լ է նախաքննական մարմնին և ինչո՞ւ շատ շինծու գործեր Դատախազությունը չի բեկանել, ինչի արդյունքում դրանք հասել են ՄԻԵԴ, իսկ այսօր Ռոբերտ Քոչարյանի պաշտպանները կարող են որպես պաշտպանական միջոց դրանք օգտագործել՝ հիմնվելով Դատախազության կողմից դրանք չբեկանելու վրա։
Արթուր Դավթյանը հարցին ի պատասխան նշեց, որ Մարտի 1-ի քրեական գործի հանգամանքների մեջ խորացել է, ծանոթացել նյութերին, տվել իր պաշտոնից բխող անհրաժեշտ կարգադրություններ, իսկ ինչ վերաբերում է նախկինում կայացած դատական ակտերի վերանայումներին, ապա երևան են եկել նոր հանգամանքներ, որոնց հիման վրա էլ պարզվել է, որ նախկինում կայացված դատական այս կամ ակտը հիմնավոր չէ կամ եղել է ոչ օբյեկտիվ։
«Ունեցել ենք այդպիսի դեպք, մեր նախաձեռնությամբ հարուցել ենք վարույթ, դրա արդյունքներով դիմել ենք դատարան, որ նախկինում կայացած դատական ակտը վերանայվի»,- ասաց Գլխավոր դատախազը։
Մանրամասները՝ տեսանյութում։
