08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Սրբեր երկրի վրա ինձ հայտնի չեն՝ այդ թվում դատախազներ․ Արթուր Դավթյան․ ՏԵՍԱՆՅՈՒԹ
Քաղաքականություն
10.05.2019 | 10:55
Ազգային ժողովում գլխավոր դատախազ Արթուր Դավթյանը մայիսի 8-ին ներկայացրեց «Հայաստանի Հանրապետության դատախազության 2018 թվականի գործունեության մասին» հաղորդումը, իսկ այսօր պատասխանում է այդ հաղորդման վերաբերյալ պատգամավորների հարցերին։
ԱԺ «Իմ քայլը» խմբակցության պատգամավոր Էդգար Առաքելյանը դատախազից հետաքրքրվեց, թե դատախազության կողմից կոռուպցիոն հանցագործությունների գծով եղե՞լ են արդյոք նյութեր դատախազական համակարգի պաշտոնյաների նկատմամբ և այդ համակարգում ի՞նչ մակարդակի վրա է գտնվում կոռուպցիան։
Ի պատասխան Արթուր Դավթյանը նշեց․ «2018 թվականի ընթացքում քրեական հետապնդման ենթարկված գործող դատախազ չի եղել, 2017 թվականին քրեական հետապնդման է ենթարկվել գործող մեկ դատախազ՝ 2015 թվականին կատարված առերևույթ հանցագործության համար»։
Ըստ ՀՀ գլխավոր դատախազի՝ դատախազական համակարգում ներդրվել են վերահսկողական այնպիսի մեխանիզմներ, որոնք հնարավորություն են ընձեռում կոռուպցիոն գործարքները շատ արագ բացահայտել, սակայն այստեղ շատ կարևոր է նաև կոռուպցիայի վերաբերյալ մարկանց ընկալումը։
«Մենք պետք է ունենանք 0 հանդուրժողականություն կոռուպցիայի նկատմամբ և թող անհամեստություն չլինի, բայց մեր համակարգում հաջողվել է ձևավորվել այդ մոտեցումը»,- ասաց Դավթյանը։
Իսկ պատգամավորի դիտարկմանը՝ փաստորեն այսուհետ սրբե՞ր են դատախազները, Արթուր Դավթյանն արձագանքեց․ «Ես չեմ կարծում, որ մարդիկ երկու տեսակ են լինում՝ սրբեր և կոռուպցիոներներ, համենայնդեպս, սրբեր երկրի վրա ինձ հայտնի չեն՝ այդ թվում դատախազներ»։
Մանրամասները՝ տեսանյութում։
