13.08.2026 | 10:17
Ուկրաինական ԱԹՍ-ները հարվածել են Բաշկորտոստանի «Գազպրոմ Նեֆտեխիմ Սալավատ» ընկերության տարածքին
Կառավարության նախկին պաշտոնյան դատի է տվել Փաշինյանին
Հասարակություն
09.05.2019 | 21:10
ՀՀ կառավարության աշխատակազմի տեսչական բարեփոխումների խմբի նախկին ղեկավար Հայկ Այվազյանը դատի է տվել ՀՀ վարչապետ Նիկոլ Փաշինյանին:
Այվազյանը դատարան ներկայացրած հայցով պահանջում է անվավեր ճանաչել իրեն աշխատանքից ազատելու 01.04.2019 թվականի թիվ 327-Ա հրամանը, վերականգնել իրեն նախկին աշխատանքին, ինչպես նաև վճարել հարկադիր պարապուրդի համար։
Այս գործը երեկ՝ մայիսի 8-ին, մակագրվել է դատավոր Միքայել Մելքումյանին:
Հիշեցնենք, որ Հայկ Այվազյանն աշխատանքից ազատվելուց հետո հայտարարել էր, որ ազատվել է վարչապետի կամայական որոշմամբ, իսկ աշխատակազմի ղեկավար Էդուարդ Աղաջանյանն էլ չարաշահել է իր պաշտոնեական լիազորությունները:
