08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱԱԾ-ից մի շարք գործառույթներ կվերցվեն, երբ ձևավորվի անկախ հակակոռուպցիոն մարմին․ Փաշինյան. ՏԵՍԱՆՅՈՒԹ
Հասարակություն
08.05.2019 | 14:21
ԱԱԾ-ն հեղափոխությունից առաջ և երրորդ Հանրապետության պատմության ընթացքում միշտ ավելի սուպերկառույց է եղել, քան հիմա: Այսօր հրավիրված ասուլիսում ասաց ՀՀ վարչապետ Նիկոլ Փաշինյանը՝ պատասխանելով Factor.am-ի հարցին, թե ինչո՞ւ է ԱԱԾ-ն այսօր վերածվել մի գերկառույցի, ինչո՞ւ է այդքան մեծ դեր տրվել այս կառույցին:
«Ազգային անվտանգության ծառայությունը սուպերկառույց չի, շարքային, սովորական իրավապահ կառույց է: Եվ ԱԱԾ-ի ու մի շարք այլ կառույցների գործառույթներ կվերցվեն, երբ ձևավորվի անկախ հակակոռուպցիոն մարմին»,- ասաց նա:
Իսկ մինչև հիմա անկախ հակակոռուպցիոն մարմին չի ձևավորվել, որովհետև, ըստ Փաշինյանի, այդ հարցի շուրջ «հարյուր տեսակետ կա». «Ես կարող եմ ասել՝ սենց պետք է լինի անկախ հակակոռուպցիոն մարմինը, մի ամիս ժամանակ, գնացեք՝ ստեղծեք: Բայց հետո պիտի ասեն, ինչ ուզում է՝ այնպես էլ անում է»:
Մանրամասները՝ տեսանյութում:
Ռոբերտ Անանյան
