03.09.2026 | 11:01
Կառավարության նիստը՝ ՈՒՂԻՂ
Բանտում է նաև Մ․ Գրիգորյանը, ինչո՞ւ իր համար չեն խնդրել․ Փաշինյանը՝ Քոչարյանին ազատելու նամակի մասին. ՏԵՍԱՆՅՈՒԹ
Հասարակություն
08.05.2019 | 12:41
Կարծում եմ՝ Արցախի նախագահի իրավախորհրդատուները պետք է նման դեպքերում ճիշտ խորհուրդներ տան: Այսօր հրավիրված ասուլիսում ասաց վարչապետ Նիկոլ Փաշինյանը՝ պատասխանելով Ռոբերտ Քոչարյանի կալանքի հարցով Արցախի ներկա և նախկին նախագահների՝ գլխավոր դատախազին ուղղված դիմումի մասին հարցին:
«Այդ հարցն այլևս գլխավոր դատախազի տիրույթում չէ, գործն ուղարկվել է դատարան, և գլխավոր դատախազը, եթե նույնիսկ շատ ուզենա, չի կարող այդ հարցը լուծել»,- հավելեց նա:
Նիկոլ Փաշինյանն ասաց՝ մարդկային առումով, գուցե, կարելի է հասկանալ Բակո Սահակյանի և Արկադի Ղուկասյանի այս քայլը, բայց հարցեր նույնպես ծագում են. «Ենթադրում եմ՝ ընկերական հարաբերություններ կան, Ռոբերտ Քոչարյանն Արցախի առաջին նախագահն է եղել և այլն, և այլն: Բայց, այնուամենայնիվ, հարցեր ծագում են: Եթե այստեղ քաղաքական խնդիր ենք լուծում և Արցախի պետականության հետ կապված խնդիր ենք լուծում, օրինակ՝ հիմա բանտում է նաև Արցախի հերոս Մանվել Գրիգորյանը: Ինչո՞ւ այդ միջնորդության մեջ իր համար էլ չեն խնդրել, ի՞նչ սկզբունք է գործել»:
Մանրամասները՝ տեսանյութում:
Ռոբերտ Անանյան
