08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Դատապարտյալը դատախազի այցից հետո դադարեցրել է հացադուլը
Հասարակություն
06.05.2019 | 22:45
Գլխավոր դատախազի խորհրդական Գոռ Աբրահամյանը ֆեյսբուքյան իր էջում անդրադարձել է ՀՀ ԱՆ «Արթիկ» ՔԿ հիմնարկի դատապարտյալի հացադուլին և ջրադուլին, և հայտնել, որ վերջինս ՀՀ գլխավոր դատախազ Արթուր Դավթյանի հորդորով դադարեցրել է հացադուլը.
«ՀՀ ԱՆ «Արթիկ» ՔԿ հիմնարկի դատապարտյալը ապրիլի 30-ին հայտարարել էր հացադուլ՝ համաձայն չլինելով Շիրակի մարզի ընդհանուր իրավասության դատարանում պատիժը կրելուց իրեն պայմանականորեն վաղաժամկետ ազատելու հարցի քննարկման արդյունքում կայացված որոշման հետ: Մայիսի 2-ին դատապարտյալը նույն պատճառաբանությամբ նաև ջրադուլ էր հայտարարել:
Շիրակի մարզի դատախազության՝ ՀՀ ԱՆ «Արթիկ ՔԿՀ-ում պատիժների և հարկադրանքի այլ միջոցների կիրառման օրինականության նկատմամբ հսկողություն իրականացնող դատախազը մայիսի 6-ին այցել է նշված ՔԿ հինարկ, հանդիպել անձին, սահմանված կարգով ենթարկել հարցման: Դատախազը հորդորել է դադարեցնել առողջության համար վնասակար և վտանգավոր պայքարի այդ ձևը՝ այն տեղափոխելով իրավական հարթություն: Դատապարտյալին պարզաբանվել է դատական կարգով իր իրավունքների իրացման հնարավորությունները:
Արդյունքում անձը դադարեցրել է հացադուլն ու ջրադուլը»:
