08.10.2026 | 19:13
ԱՄՆ-ը «երբեք թույլ չէր տա» Հունաստան-Թուրքիա հակամարտություն․ Ռուբիոն նշել է F-35-ների Անկարային փոխանցման պայմանը
Քոչարյանի և մյուսների գործով դատավորը ինքնաբացարկ է ներկայացրել․ գործը կմակագրվի ուրիշի
Հասարակություն
06.05.2019 | 11:39
Երևանի ընդհանուր իրավասության դատարանի դատավոր Վարդան Գրիգորյանը ինքնաբացարկ է հայտնել։ Նրան էր մակագրվել Ռոբերտ Քոչարյանի, Արմեն Գևորգյանի, Սեյրան Օհանյանի և Յուրի Խաչատուրովի քրեական գործը։ ՀՀ դատական դեպարտամենտից չմանրամասնեցին, թե որն է ինքնաբացարկի պատճառը, ասացին, որ գործն ըստ ընթացակարգի կմակագրվի մեկ այլ դատավորի։
Նշենք, նաև որ 2008 թվականի Մարտի 1-ի արյունալի դեպքերի մեղադրանքի գործով մեղադրյալներ Ռոբերտ Քոչարյանի, Սեյրան Օհանյանի, Յուրի Խաչատուրովի, Արմեն Գևորգյանի վերաբերյալ քրեական գործը մուտք է արվել դատարան, սակայն նիստի օրը դեռ հայտնի չէ, քանի որ դատավորը հրաժարվել է գործի քննությունից։
Հիշեցնենք, որ ավելի վաղ Երևան քաղաքի ընդհանուր իրավասության դատարանի երեք դատավորներ՝ Դավիթ Գրիգորյանը, Նելլի Բաղդասարյանը և Հարություն Մանուկյանը ՀՀ երկրորդ նախագահ Ռոբերտ Քոչարյանի խափանման միջոցի քննության գործով ևս ինքնաբացարկ էին ներկայացրել։
Լիլիթ Շաբոյան
