13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
Քաղաքացին Նիկոլ Փաշինյանին դատի է տվել
Հասարակություն
04.05.2019 | 14:08
ՀՀ քաղաքացի Խաչատուր Ղալեչյանը դատի է տվել ՀՀ վարչապետ Նիկոլ Փաշինյանին:
Քաղաքացու պահանջն է Նիկոլ Փաշինյանին ստախոս ճանաչելը, ինչպես նաեւ ներողություն խնդրելը եւ բարոյական վնասի փոխհատուցումը:
Factor.am-ն այս մասին տեղեկանում է դատական տեղեկատվական համակարգից:
Երեւանի առաջին ատյանի ընդհանուր իրավասության դատարանը, սակայն, մերժել է քաղաքացու միջնորդությունը, քանի որ հայցը ներկայացված է թերություններով:
Դատական տեղեկատվական համակարգից տեղեկացանք, որ մայիսի երկուսին քաղաքացին կրկին նույն պահանջով նոր հայց է ներկայացրել, որը մայիսի երեքին կրկին մերժվել է:
Հ.Գ. Մեր հրապարակումից հետ կարծիքներ հնչեցին, որ սա կարող է լինել այլ Նիկոլ Փաշինյան, քանի որ հայրանունը դատալեքսում նշված չէ:
ԿԸՀ կայքի միջոցով պարզեցինք, որ ՀՀ-ում կա երկու Նիկոլ Փաշինյան՝ Նիկոլ Աշոտի Փաշինյան եւ Նիկոլ Վովայի Փաշինյան:
Նիկոլ Աշոտի Փաշինյանը Տավուշի մարզի Ենոքավան գյուղից է:
Factor.am-ը քիչ առաջ կապ հաստատեց Նիկոլ Աշոտի Փաշինյանի հետ: Վերջինս մեզ հետ զրույցում ասաց, որ որեւէ մեկն իրեն դատի չի տվել ներողություն խնդրելու պահանջով:
Նարեկ Կիրակոսյան
