02.11.2024 | 12:34
Հայաստանը Չեխիայում ռազմական կցորդ ունի
Դավիթ Ղազարյանը երեկ երեկոյան է ազատ արձակվել. պաշտպան
Հասարակություն
04.05.2019 | 12:07
«Սպայկա» ընկերության տնօրեն Դավիթ Ղազարյանն երեկ երեկոյան է ազատ արձակվել:
Այս մասին Factor.am-ի հետ զրույցում ասաց նրա պաշտպաններից Արսեն Սարդարյանը՝ նշելով, որ դատախազի որոշմամբ է ազատ արձակվել:
Նա նաև նշեց, որ մանրամասներ չի կարող հայտնել, քանի որոշմանը ծանոթ չէ:
«Ողջունում եմ դատախազի որոշումը, կարևորը, որ Ղազարյանն ընկերության գլխին լինի»,-ասաց նա:
Հիշեցնենք, որ ավելի վաղ ՊԵԿ-ը հայտնել էր, որ «Սպայկա» ընկերության տնօրեն Դավիթ Ղազարյանին կալանքի տակ պահելու հիմքերը վերացել են, քրեական գործի շրջանակում նա վճարել է 1 միլիարդ ՀՀ դրամ գումար, ուստի նախաքննության նկատմամբ դատավարական հսկողություն իրականացնող դատախազը որոշում է կայացրել խափանման միջոց կալանավորումը փոփոխելու մասին:
նշենք, որ բեռնափոխադրումներով զբաղվող խոշոր այս ընկերությունը 2015-ի հունվարի 1-ից 2018-ի ապրիլի 30-ն ընկած ժամանակահատվածում արտահանված շուրջ 45 հազար տոննա լոլիկը փաստաթղթերում ներկայացրել է ոչ արժանահավատ գներով և դրա հետևանքով շահութահարկի գծով պակաս է հաշվարկել և պետական բյուջե չի վճարվել ընդհանուր 2 միլիարդ 45 միլիոն դրամ:
Նրա նկատմամբ խափանման միջոց էր ընտրվել կալանավորումը:
Լիլիթ Շաբոյան
