Քաղաքական վերնախավն իր օրինակով պետք է ցույց տա կոռուպցիայի նկատմամբ անհանդուրժողականությունը. ՏԵՍԱՆՅՈՒԹ

Հակակոռուպցիոն մարմին ստեղծելուց, դատաիրավական համակարգի անկախությանը հասնելուց հետո մենք կոռուպցիայի դեմ պայքարի հարցում, իհարկե, բարելավում կունենանք, բայց արդյո՞ք մենք հոգեբանական փոփոխություն կունենանք: «Թավշյա հեղափոխությունից մեկ տարի անց. կոռուպցիայի դեմ պայքարի արդյունավետությունը» թեմայով քննարկման ժամանակ նման հարցադրում արեց Հելսինկյան կոմիտեի նախագահ, իրավապաշտպան Ավետիք Իշխանյանը:

«Կարծում եմ՝ մեր հասարակության գերակշիռ մասի մտածողությունն է կոռուպցիոն: Մեր հասարակության մեջ մտել է ցանկացած գնով ընտանիքը լավ պահելու խնդիրը: Հաջորդը շքեղության ձգտումն է: Եթե մենք նայենք Հայաստանի նման պատերազմող և աղքատ երկրում, եվրոպական զարգացած և բարեկեցիկ շատ երկրներում, երևի, այդքան շքեղ մեքենաներ չես տեսնի, էլ չեմ ասում՝ շքեղ առանձնատներ, ինչպես մեր տարբեր թաղամասերում են: Եվ այս շքեղ ապրելակերպի ձգտումը, ոչ թե համեստությունը, հիմնական ուղղությունն է կոռուպցիոն ճանապարհի»,- կարծիք հայտնեց Ավետիք Իշխանյանը:

Իրավապաշպանն ասաց՝ շատ կցանկանար, որ նոր իշխանություններն իրենց անձնական օրինակով, համեստ ապրելակերպով օրինակ ծառայեին:

«Իշխանություններն իրենց օրինակով պիտի ցույց տային, թե ինչպես կարելի է արտոնություններից չօգտվել և լինել սովորական մարդիկ: Նույն ծառայողական մեքենաները… հիշում եմ՝ վարչապետ Նիկոլ Փաշինյանը ժամանակին համեմատում էր ծառայողական մեքենաների քանակը Հայաստանի և Դանիայի»,- հավելեց Իշխանյանը:

Մանրամասները՝ տեսանյութում:

Աղավնի Սուքիասյան