13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Բնապահպանության նախարարը «Ջամբո» էկզոտիկ պարկի հիմնադրին դատի է տալիս
Հասարակություն
02.05.2019 | 17:17
ՀՀ բնապահպանության նախարար Էրիկ Գրիգորյանը ֆեյսբուքյան գրառմամբ տեղեկացրել է, որ«Ջամբո» էկզոտիկ պարկի հիմնադիր Արտյոմ Վարդանյանից հրապարակայնորեն հերքում և պատճառված վնասի փոխհատուցում պահանջելու հայցով դիմում է դատարան:
«Հարգելի գործընկերներ, երեկ զանգվածային լրատվության միջոցներով տարածում է ստացել «Ջամբո» էկզոտիկ պարկի հիմնադիր Արտյոմ Վարդանյանի հրապարակային արտահայտությունը, որ «Կենդանաբանական այգու տնօրենին հովանավորում է բնապահպանության նախարարը, միասին բիզնես ունեն»:
Սույն հայտարարությունը որեւէ աղերս չունի իրականության հետ։
Ինքս միշտ հանդրուժողաբար եմ վերաբերվել և վերաբերվում քննադատությանը, գիտակցելովխոսքի ազատության կարևորությունը: Սակայն նշված անձի արտահայտությունը ոչ քննադատություն է, ոչ էլ գնահատողական դատողություն, այլ զրպարտություն, որով փորձ է արվել արատավորել իմ գործունեությունն ու համբավը։
Այդ իսկ պատճառով որոշել եմ օրենքով սահմանված կարգով դիմել դատարան հրապարակայնորեն հերքման և պատճառված վնասի փոխհատուցման պահանջներով:
Առաջիկայում նշված հարցի վերաբերյալ մանրամասները կհայտնեն իմ շահերը պաշտպանող փաստաբանները:
Այլեւս չեմ պատրաստվում հանդուրժել սուտը, կեղծ լուրերն ու զրպարտությունները։ Ուզում եմ տեղեկացնել, որ այսուհետ նմանատիպ յուրաքանչյուր դրսեւորում ստանալու է իր պատասխանը` իրավական տիրույթում»,- գրել է Գրիգորյանը:
