30.10.2026 | 20:18
Միրզոյանը Բահրեյնում կմասնակցի «Մանամայի երկխոսություն» անվտանգության ֆորումին
Հայաստանում տեղի կունենա շախմատի միջազգային կոնֆերանս
02.05.2019 | 17:32
Հայաստանում տեղի կունենա շախմատի միջազգային կոնֆերանս. տեղեկացնում է Հայաստանի շախմատի ֆեդերացիայի պաշտոնական կայքը:
Կոնֆերանսը կանցկացվի «Շախմատային կրթության արդի վիճակը և զարգացման միտումները» խորագրով:
Ս. թ. մայիսի 7-8-ը Ծաղկաձորում տեղի է ունենալու «Շախմատային կրթության արդի վիճակը և զարգացման միտումները» խորագրով միջազգային գիտաժողով :
Միջազգային գիտաժողովի կազմակերպիչներն են Շախմատի միջազգային ֆեդերացիան (ՖԻԴԵ), ՀՀ կրթության և գիտության նախարարությունը, Խ. Աբովյանի անվան հայկական պետական մանկավարժական համալսարանը՝ «Շախմատ» գիտահետազոտական ինստիտուտի և Հայաստանի շախմատի ակադեմիայի հետ համատեղ:
Գիտաժողովին կմասնակցեն 20-ից ավելի երկրների ներկայացուցիչներ:
Մայիսի 7-ին մեկնարկող գիտաժողովը արդեն երրորդն է «Շախմատը դպրոցում» ծրագրի վերաբերյալ: Առաջին նմանատիպ միջազգային գիտաժողով կազմակերպվել էր 2014 թվականին՝ Երևանում:
Մայիսի 7-ին ժամը 10։15-ից սկսած՝ Ծաղկաձորի Գրողների տանը կարելի է հետևել ՀՀ դպրոցականների շախմատի օլիմպիադայի եզրափակիչ փուլի խաղերին, ապա 11։00-ին «Մուլտի Ռեստ Հաուս» հյուրանոցային համալիրում կմեկնարկի գիտաժողովի հանդիսավոր արարողությանը, որին ներկա կգտնվեն ՖԻԴԵ-ի փոխնախագահ Բաշար Քուաթլին, հունգարացի շախմատիստուհի, գրոսմայստեր Յուդիթ Պոլգարը, ՀՀ կրթության և գիտության նախարար Արայիկ Հարությունյանը, Հայկական պետական մանկավարժական համալսարանի ռեկտոր Ռուբեն Միրզախանյանը և Հայաստանի շախմատի ֆեդերացիայի նախագահի առաջին տեղակալ, ՖԻԴԵ-ի «Շախմատը կրթական համակարգում» հանձնաժողովի նախագահ և գիտաժողովի անցկացման նախաձեռնող Սմբատ Լպուտյանը:
