08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Վստա՞հ եք, որ ԱԱԾ-ում կոռուպցիա չի բացահայտվել. Արթուր Վանեցյան. ՏԵՍԱՆՅՈՒԹ
Հասարակություն
02.05.2019 | 15:58
ԱԱԾ տնօրեն Արթուր Վանեցյանն այսօր պատասխանելով Factor.am-ի հարցին, թե ինչո՞ւ հեղափոխությունից հետո, ի տարբերություն մնացած կառույցների, ԱԱԾ-ում կոռուպցիոն բացահայտումներ չեղան արձագանքեց. «Դուք վստա՞հ եք, որ չի բացահայտվել: Նպատակահարմար չի եղել, հանրությունը չի իմացել այդ մասին»,- ասաց նա:
Թե ո՞ւմ հետ են կապված եղել այդ բացահայտումները, ԱԱԾ տնօրենը չասաց: Վանեցյանի խոսքով՝ ԱԱԾ-ի շուրջ անիմաստ աղմուկ է բարձրացվել:
«ԱԱԾ-ն այս ընթացքում ձեռք է բերել շատ մեծ հեղինակություն հասարակության շրջանում, և որևէ մեկը իրավունք չունի ԱԱԾ-ի հետ խոսել շանտաժի լեզվով կամ վախեցնել մեզ, որ մենք մեր գործառույթները չիրականացնենք»,- նշեց ԱԱԾ տնօրենը:
Արթուր Վանեցյանը հավաստեց, որ ԱԱԾ-ն իր աշխատանքն անում է շատ մաքուր, թափանցիկ, օրենքի բոլոր կետերի պահպանմամբ. «Եթե կլինի մի դեպք, երբ ՀՀ Ազգային անվտանգության ծառայությունն ինչ-որ անձի նկատմամբ կիրականացնի ապօրինի հետապնդում, ես այդ օրը պատրաստ եմ պատասխան տալ թե՛ օրենքի առջև, թե՛ հասարակության առջև: Հորդորում եմ բոլորին՝ չփորձել արհեստական աղմուկ սարքել ԱԱԾ-ի շուրջ»:
Մանրամասները՝ տեսանյութում:
Ռոբերտ Անանյան
