29.06.2026 | 11:47
Վնաս կա․ Պուտինը՝ Ուկրաինայի հարձակումների, բենզինի դեֆիցիտի, Անքորիջի համաձայնությունների մասին
Հերոսը չի սողում. սա շոու է, զենքերը՝ օրինական. Նազիկ Ամիրյանը` իր և ամուսնու գործի մասին. ՏԵՍԱՆՅՈՒԹ
Հասարակություն
02.05.2019 | 13:33
Մեղադրող դատախազի հայտարարությունը, թե Մանվել Գրիգորյանի պաշտպանները հայտարարում են, որ նրա վիճակը ծայրահեղ ծանր է, մինչդեռ նա առույգ դուրս եկավ ՔԿՀ-ից, Նազիկ Ամիրյանը քմծիծաղով ընդունեց, ապա նիստի ընդմիջմանը լրագրողների հարցերին ի պատասխան ասաց. «Հերոսը չի սողում»:
Նա նշեց, որ շոու է սարքվել, իսկ զենք-զինամթերքը օրինական են: Անդրադառնալով իր՝ մեղադրյալի կարգավիճակ ունենալուն, Ամիրյանն ասաց. «Թուրքերի, ադրբեջանցիների մոտ եմ ունեցել»:
Հիշեցնենք՝ 6-րդ գումարման Ազգային ժողովի Հանրապետական խմբակցության նախկին պատգամավորը մեղադրվում է ապօրինի կերպով զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու համար:
Ըստ մեղադրանքի` Գրիգորյանը կնոջ, որդու և այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող տարածքներում ապօրինի կերպով պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր:
Լիլիթ Շաբոյան
