09.06.2026 | 14:35
Պուտինը կշնորհավորի՞ Փաշինյանին․ մանրամասնում է Կրեմլի խոսնակը
Նազիկ Ամիրյանը դատարանում է, Մանվել Գրիգորյանը` ոչ. Ամիրյանը չպատասխանեց լրագրողների հարցերին. ՏԵՍԱՆՅՈՒԹ
Հասարակություն
02.05.2019 | 12:07
Երևանի ընդհանուր իրավասության դատարանի Կենտրոնի նստավայրում մեկնարկել է ԱԺ Հանրապետական խմբակցության նախկին պատգամավոր Մանվել Գրիգորյանի և Նազիկ Ամիրյանի գործով դատական նիստը:
Նախնական նիստին Մանվել Գրիգորյանը ներկա չէր, փոխարենը դատարան էր ներկայացել նրա կինը` Նազիկ Ամիրյանը:
Վերջինս լրագրողների հարցերը թողեց անպատասխան, ասաց միայն` փաստաբանները կխոսեն:
Հիշեցնենք՝ 6-րդ գումարման Ազգային ժողովի Հանրապետական խմբակցության նախկին պատգամավորը մեղադրվում է ապօրինի կերպով զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու համար:
Ըստ մեղադրանքի` Գրիգորյանը կնոջ, որդու և այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող տարածքներում ապօրինի կերպով պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր:
Մանրամասները` տեսանյութում:
Լիլիթ Շաբոյն
