10.09.2026 | 10:14
Բաբաջանյան-Աշտարակի ճանապարհը 6 ամիս հետո ամբողջությամբ կբացվի․ Ավինյան
Արթուր Բաղդասարյանի անունից ասում էին՝ ում ուզում եք բողոքեք. բնակչի խոսքով՝ Բաղդասարյանը «քցել է» իրենց. ՏԵՍԱՆՅՈՒԹ
Հասարակություն
30.04.2019 | 14:33
Երևանի Այգեստան 11 փողոցի 34/1 և 34 հասցեների բնակիչներ Լիլիթ Ասատրյանն ու Էմմա Հակոբյանը բողոքում են, որ ՕԵԿ նախկին նախագահ Արթուր Բաղդասարյանի պատճառով մնացել են առանց բնակարանի:
Բանն այն է, որ ՀԱՊԿ ակադեմիայի շինարարության պատճառով նշված հասցեների բնակելի շենքը վթարային է դարձել: Բնակիչներն այսօր հրավիրված մամուլի ասուլիսում հայտարարեցին, որ Արթուր Բաղդասարյանի անունից մարդիկ են եկել, բանակցել, որ շենքից դուրս գան, իսկ իրենք վնասը կփոխհատուցեն, բայց առ այսօր փոխհատուցում չեն ստացել: Բնակիչներն արդեն երեք տարի է՝ վարձով են ապրում, քանի որ շենքն արդեն փլուզվում է: Նրանց խոսքով՝ Արթուր Բաղդասրյանի ներկայացուցիչ Խանիկ Պետրոսյանի հետ բանակցությունների արդյունքում շենքը գնահատել են 200 հազար դոլար, բայց գումարը չի փոխհատուցվել:
«Արթուր Բաղդասարյանի կողմից ուղարկված մարդիկ ասում էին՝ ո՞ւմ պետք է բողոքեք, լրիվ մենք ենք, շեֆը տեղյակ է»,- ասաց բնակիչներից մեկը:
Factor.am-ը թեմայի շուրջ փորձեց պարզաբանումներ ստանալ Արթուր Բաղդասարյանից և նրա ներկայացուցիչ Խանիկ Պետրոսյանից, բայց նրանք մեր զանգերին չպատասխանեցին:
Մանրամասները՝ տեսանյութում:
Նարեկ Կիրակոսյան
