29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Մեզ մոտ քաղհասարակությունը բավական թույլ կարողություններ ունի. Արցախի ՄԻՊ-ն ԱԺ-ում է. ՏԵՍԱՆՅՈՒԹ
Հասարակություն
30.04.2019 | 11:46
Արցախում մարդու իրավունքների ոլորտի խնդիրների մի մասը վերաբերում է պետական մարմինների և քաղհասարակության կարողություններին, չճանաչվածության և Ադրբեջանի հայատյաց ու ապակառուցողական դիրքորոշումների պատճառով Արցախը մեկուսացված է միջազգային հանրությունից: ՀՀ Ազգային ժողովի մարդու իրավունքների պաշտպանության և հանրային հարցերի մշտական հանձնաժողովում հանդիպման ժամանակ ասաց Արցախի մարդու իրավունքների պաշտպան Արտակ Բեգլարյանը:
«Դա ուղիղ առումով բացասաբար է ազդում նաև մարդու իրավունքների պաշտպանության մակարդակի վրա: Մասնավորապես, օրինակ, քաղհասարակությունը մեզ մոտ բավականին թույլ կարողություններ ունի»,- ասաց Արցախի ՄԻՊ-ը:
Նա սրան հավելեց նաև ռեսուրսների խնդիրը. «Օրինակ՝ եթե միջազգային շփումներ լինեին և միջազգային ռեսուրսներ մտնեին Արցախի Հանրապետություն, մեր քաղհասարակությունն ավելի ուժեղ կլիներ՝ տարբեր խնդիրներ վերհանելու, քննարկելու, ուսումնասիրելու և համապատասխան առաջարկներ ներկայացնելու ու հանրային վերահսկողություն իրականացնելու մարդու իրավունքներին վերաբերող տարբեր հարցերում: Նույնը վերաբերում է նաև պետական կառույցներին»։
Մանրամասները՝ տեսանյութում:
Շողիկ Գալստյան
