08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Արտակ Զեյնալյանը՝ Քոչարյանի գործով դատավորների ինքնաբացարկի մասին. ՏԵՍԱՆՅՈՒԹ
Հասարակություն
29.04.2019 | 16:11
ՀՀ երկրորդ նախագահ Ռոբերտ Քոչարյանի գործն Արդարադատության նախարարության ոլորտում չէ, նախաքննության մարմինն այս նախարարության ենթակայության ներքո չէ: Ապրիլի 29-ին հրավիրված ասուլիսում ասաց արդարադատության նախարար Արտակ Զեյնալյանը՝ չցանկանալով անդրադառնալ այդ գործի նախաքննությանը:
Անդրադառնալով Քոչարյանի գործը քննելուց հրաժարվող դատավորներին՝ նախարարն ասաց, որ ինքնաբացարկի հիմքերն ամրագրված են Քրեադատավարական օրենսգրքում:
«Եթե դատավորը գտնում է, որ կան ինքնաբացարկի հիմքեր, պարտավոր է ինքնաբացարկ հայտնել: Իսկ թե դա ինչպես կգնահատեն կարգապահական հանձնաժողովը կամ Արդարադատության նախարարությունը, այլ հարց է»,- հավելեց նախարարը:
Հարցին՝ դատավորների ինքնաբացարկի մեջ քաղաքական ենթատեքստ չի՞ տեսնում, Արտակ Զեյնալյանը պատասխանեց. «Քաղաքական ենթատեքստ տեսնելու համար պետք է կարդանք Բարձրագույն դատական խորհրդի դատական ակտը՝ հնարավոր ներկայացված միջնորդությունից հետո»:
Մանրամասները՝ տեսանյութում:
