17.05.2026 | 10:37
UFC. Հայտնի է Քոնոր Մաքգրեգորի հաջորդ մրցակիցն ու մենամարտի օրը
Սերգեյ Բագրատյանի մասնակցությամբ միջադեպի առթիվ Ոստիկանությունում նյութեր են նախապատրաստվում, որոնք ուղարկվել են ՀՔԾ
Հասարակություն
29.04.2019 | 13:52
Ազգային ժողովի «Բարգավաճ Հայաստան» խմբակցության պատգամավոր Սերգեյ Բագրատյանի մասնակցությամբ Վայոց ձորում տեղի ունեցած միջադեպի առթիվ նյութեր են նախապատրաստվում․ դրանք ուղարկվել են Հատուկ քննչական ծառայություն։
Այս մասին Factor.am-ի հետ զրույցում ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
Նշենք, որ երեկ հրապարակվել են Եղեգնաձորում ԱԺ ԲՀԿ խմբակցության պատգամավոր Սերգեյ Բագրատյանի և Վայոց ձորի Եղեգիս համայնքի Արտաբույնք համայնքի ղեկավար Արմեն Սեդրակյանի մասնակցությամբ տեղի ունեցած միջադեպից լուսանկարներ։
Հավելենք, որ պատգամավոր Սերգեյ Բագրատյանի հետ Factor.am-ին կապվել չի հաջողվում․ նա չի պատասխանում լրագրողների հեռախոսազանգերին։
Հիշեցնենք, որ Վայք քաղաքի բնակիչ, 38-ամյա Ռազմիկ Տոնոյանը, որը Վայոց ձորի փոխմարզպետն է, հաղորդում է ներկայացրել Ոստիկանություն, որ ԱԺ «Բարգավաճ Հայաստան» խմբակցության պատգամավոր Սերգեյ Բագրատյանն ու Եղեգիս համայնքի Արտաբույնք բնակավայրի վարչական ղեկավար Արմեն Սեդրակյանը երեկ հարձակվել են իր վրա, անհարգալից վերաբերմունք ցուցաբերել, իր հասցեին հնչեցրել սեռական բնույթի հայհոյանքներ, անվայել արտահայտություններ արել:
Աղավնի Սուքիասյան
