14.12.2025 | 18:20
Թաիլանդն ու Կամբոջան շարունակում են ռազմական գործողությունները
Ոստիկանները հայտնաբերել են 15-ամյա տղայի սպանության մեջ կասկածվող համադասարանցուն
Հասարակություն
28.04.2019 | 14:00
Ոստիկանները հայտնաբերել և Տաշիրի բաժին են ներկայացրել ապրիլի 27-ին քաղաք 15-ամյա տղային դանակով սպանելու մեջ կասկածվող համադասարանցուն։ Այս մասին տեղեկացրին ՀՀ ոստիկանության հասարակայնության հետ կապերի և լրատվության վարչությունից։
«Ապրիլի 27-ին’ ժամը 18.10-ին, ոստիկանության Տաշիրի բաժին հաղորդում է ստացվել, որ դանակահարված վիճակում «Տաշիր» բժշկական կենտրոն է տեղափոխվել 2004 թվականին ծնված մի երիտասարդ, որը բուժհաստատությունում մահացել է։
Ոստիկանության Լոռու մարզային վարչության և ենթակա ստորաբաժանումների ծառայողները օպերատիվ-հետախուզական միջոցառումների արդյունքում բացահայտել են հանցագործությունը։ Նախնական տվյալներով’ տղային դանակահարել է նրա համադասարանցին, որը հայտնաբերվել և ներկայացվել է ոստիկանության Տաշիրի բաժին։ Դեպքի վայրում’ Տաշիրի մարզադպրոցի հետնամասում, հայտնաբերվել է դանակ, որը, նախնական տվյալներով’ հանցագործության գործիքն է։
Հարուցվել է քրեական գործ։
Հանգամանքները պարզվում են»,- նշված է հաղորդագրության մեջ։
