14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հայաստանում սեռական բռնության թիրախում մեծավմասամբ անչափահասներն են. ինչպիսի՞ դեպքեր են արձանագրվում. ՏԵՍԱՆՅՈՒԹ
Հասարակություն
25.04.2019 | 20:41
Պաշտոնական տվյալներով՝ Հայաստանում տարեկան գրանցվում է սեռական բռնության 150-ից 160 դեպք։
«Սեռական բռնության ճգնաժամային կենտրոն» ՀԿ ծրագրերի ղեկավար Տաթևիկ Աղաբեկյանը Factor.am-ի հետ զրույցում ասում է, որ սեռական բռնության թիրախում ամենից հաճախ հայտնվում են անչափահասները։ Բռնության զոհ դարձած կանայք կամ անչափահասների ընտանիքները խուսափում են դեպքի մասին բարձրաձայնել՝ աչքի առաջ ունենալով համայնքի առաջ «խայտառակվելու» հեռանկարը։
«Սեռական բռնության ճգնաժամային կենտրոն» ՀԿ-ի շահերի պաշտպանության մասնագետ Աննա Հովհաննիսյանը շեշտում է, որ Հայաստանում գերխնդիր է սեռական բռնության ենթարկված անձանց իրավունքի պաշտպանությունը։ Ըստ նրա՝ գործերի մի զգալի մաս կարճվում է։
«Սեռական բռնության ճգնաժամային կենտրոն»-ը «Մոսկվա» կինոթատրոնում այսօր կազմակերպել էր «Սեռական բռնության թանգարան» խորագրով ցուցահանդես, որտեղ ցուցադրվեցին այն առարկաները, որոնք սեռական բռնության ենթարկված անձինք ասոցացնում են իրենց կյանքում կատարված սեռական բռնության հետ:
Մանրամասները՝ տեսանյութում:
