04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Այս տարի գումար չի հատկացվել Սևանա լճի ձկան պաշարներն ուսումնասիրելու համար․ Բարդուղ Գաբրիելյան
Տնտեսություն
25.04.2019 | 14:50
Այս տարի կառավարությունը տենդեր չի հայտարարել խեցգետնի և ձկան պաշարները որոշելու համար, ինչը վատ է անդրադառնում իրականացվող մոնիթորինգի վրա, քանի որ այդ պաշարների փոփոխության դինամիկան շատ կարևոր է։
Այսօր հրավիրված մամուլի ասուլիսի ժամանակ ասաց Հայաստանի ԳԱԱ կենդանաբանության և հիդրոէկոլոգիայի գիտական կենտրոնի տնօրեն Բարդուղ Գաբրիելյանը։
«Մենք մոտավորապես տասնհինգ տարի` ամեն տարի այդ մոնիթորինգն իրականացրել ենք: Ցավոք սրտի, եղել են էլի դեպքեր, երբ մոնիթորինգ չի իրականացվել: Բնապահպանության նախարարությունն է այդ տենդերը հայտարարում, և քանի որ, բացի մեր ինստիտուտից, ոչ մի այլ կազմակերպություն չունի հնարավորություն, որ իրականացնի այդ պաշարների ուսումնասիրությունը, փաստորեն այս տարի այն չի արվի: Նշվում է, որ հատկացվող գումարը` 7 մլն, բավարար չէ: Գումարն, այո՛, բավարար չէ, բայց դա չի նշանակում, որ մենք պատշաճ ձևով չենք իրականացնում, միջոցներ ենք հայթայթում, արտաբյուջետային ֆինանսավորումներով ենք ապահովում: Հիմնավոր չէ, երբ ասում են, որ երբ 7 մլն բավարար չէ, ուրեմն չանենք»,- իր մտահոգությունները հայտնեց Բարդուղ Գաբրիելյանը։
Նրա խոսքով՝ կարելի է այդ 7 մլն-ը հատկացնել գոնե միայն սիգի պաշարները որոշելու համար։
«Կյանքը ցույց է տվել, որ մեր կանխատեսումները միշտ իրականացել են, չի եղել` երբ ասենք, որ այս ձկանը խզում պետք է լինի ու չի եղել: Անթույլատրելի է տալ որսաչափ` առանց պաշարի գնահատման»,- ասաց Գաբրիելյանը՝ հավելելով, որ Կառավարությունը պետք է հաշվի առնի ակադեմիական ինստիտուտների կողմից տրված գնահատականները։
Աղավնի Սուքիասյան
