03.09.2026 | 13:24
ԵԽ Միջազգային առևտրի հանձնաժողովը կողմ քվեարկեց Հայաստանին արտոնություններ տալու նախագծին
Դա որևէ կերպ չի վնասի ՀՀ վարկանիշին. «Իմ քայլի» պատգամավորը՝ Միհրան Պողոսյանի կողմից քաղապաստան խնդրելու մասին. ՏԵՍԱՆՅՈՒԹ
Քաղաքականություն
25.04.2019 | 12:32
Ամենևին ցանկալի չէ, որ քո երկրի նախկին բարձրաստիճան պաշտոնյան, գեներալը, որոշ իմաստով՝ պետական գաղտնիքի կրողն ապաստան է խնդրում այլ երկրից: Խորհրդարանական ճեպազրույցների ժամանակ անդրադառնալով ԴԱՀԿ նախկին ղեկավար Միհրան Պողոսյանի՝ ՌԴ-ում քաղաքական ապաստան հայցելու մասին հարցին՝ ասաց «Իմ քայլը» խմբակցության պատգամավոր Բաբկեն Թունյանը:
Նա դժվարացավ պատասխանել հարցին՝ արդյո՞ք սա կարող է դառնալ առիթ՝ Ռուսաստանի կողմից Հայաստանի հետ առևտրի մեջ մտնելու համար:
Բաբկեն Թունյանը, միաժամանակ, չի կարծում, որ Պողոսյանի հետ կապված իրավիճակը կարող է միջազգային հարթակներում վնաս հասցնել Հայաստանի հեղինակությանը:
«Դա որևէ կերպ չի վնասի ՀՀ վարկանիշին: Հակառակը, եթե մեզ մոտ բարձրաստիճան պաշտոնյան մեղադրվում է որևէ հանցագործության մեջ և դատական համակարգով փորձում է արդարությունը վերականգնել, դա խոսում է այն մասին, որ երկրում բան է փոխվել և արդարադատությունը սկսել է աշխատել: Եթե դա որևէ մեկի մոտ կարող է բացասական տրամադրություններ արթնացնել, ուրեմն խնդիրը ոչ թե մեզ մոտ է, այլ իրենց»,- ասաց պատգամավորը:
Մանրամասները՝ տեսանյութում:
Շողիկ Գալստյան
