16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Միհրան Պողոսյանը ՌԴ-ից քաղաքական ապաստան է խնդրել
Հասարակություն
24.04.2019 | 18:01
Ռուսաստանի Դաշնությունում ձերբակալված ԴԱՀԿ ծառայության նախկին պետ Միհրան Պողոսյանը քաղաքական ապաստան ստանալու համար հիմքեր ունի։ Այս մասին ռուսական Ռունա պարբերականին հայտնել է Պողոսյանի փաստաբան, Կարելիի Փաստաբանների պալատի նախագահ Միխայիլ Յամչիտսկին:
«Դիմումն արդեն պաշտոնապես ներկայացվել է, պատշաճ կերպով ձևակերպվել: Քաղաքացիական ապաստանի տրամադրման մասին որոշումն ընդունում է ՌԴ Նախագահին առընթեր հանձնաժողովը: Իմ կարծիքով՝ դրա համար հիմքեր կան: Իր հայրենիքում Միհրան Պողոսյանին քաղաքական դրդապատճառներով հետապնդում են»,- նշել է Միխայիլ Յամչիտսկին։
Ավելի վաղ՝ ՀՀ գլխավոր դատախազությունը նախկին բարձրաստիճան պաշտոնյայի արտահանձնման համար ռուսական կողմին փաստաթղթերի փաթեթ էր հանձնել: Ապրիլի 13-ին Միհրան Պողոսյանին Հայաստանի Հատուկ քննչական ծառայության կողմից մեղադրանք էր առաջադրվել՝ վատնման եղանակով առանձնապես խոշոր չափերով գույքի հափշտակման ու պաշտոնեական լիազորությունների չարաշահման համար, ինչն առաջացրել էր ծանր հետևանքներ:
Ավելի ուշ՝ Պողոսյանի նկատմամբ ազգային և միջազգային հետախուզում էր հայտարարվել, իսկ ապրիլի 19-ին
Պետրոզավոդսկում նրան ձերբակալել էին։
Նելլի Մելքոնյան
