07.10.2026 | 12:36
ՌԴ-ն հրթիռներով ու ԱԹՍ-ներով զանգվածային հարված է հասցրել Ուկրաինային․ զոհեր և վիրավորներ կան
Մեկ տարի առաջ բնակչության 80%-ը դուրս եկավ արդարադատության պահանջով․ Լարիսա Մինասյան. ՏԵՍԱՆՅՈՒԹ
Հասարակություն
23.04.2019 | 10:48
«Տարիներ շարունակ Հայաստանում եղել է արդարության և արդարադատության դեֆիցիտ։ Այն իսկապես եղել է զանգվածային և համակարգային՝ խորքային համակարգով հանդուրժված, անպատժելիությունով ընդունված։ Մեկ տարի առաջ բնակչության 80%-ը դուրս եկավ արդարության և արդարադատության պահանջով։ Ու պայքարել այսպիսի կայացած անարդարության համակարգի դեմ, պետք է ինչ-որ համակարգային բարեփոխումով։ Դա անելը առաջին քայլն է հասկանալու, թե ինչպես է այդ չարաշահումը տեղի ունեցել, արտոնվել։ Ու դա այն գործընթացն է, որն ավելի լավ անվան բացակայության դեպքում կոչվում է անցումային արդարադատություն»,- «Կորպորատիվ հաշվետվողականություն անցումային արդարադատությունում և դրանից անդին ու իրավապաշտպանների դերը» թեմայով քննարկման ժամանակ ասաց «Բաց հասարակության հիմնադրամներ – Հայաստանի» գործադիր տնօրեն Լարիսա Մինասյանը։
Ըստ նրա՝ «երբ 10 տարվա ընթացքում 10 միլիարդ դոլար կոռուպցիայի միջոցով դուրս է հանվում երկրից, դա դուրս է գալիս կրթության, առողջության, բնապահպանական ու սոցիալական իրավունքներից»:
«Մենք իսկապես մեծ քայլեր ենք արել, մի իրավունք, որ մասսայաբար և շարունակաբար խախտվել է՝ ազատ ընտրության իրավունքը, վերականգնել ենք: Բավական մեծ առաջընթաց կատարվել է խոսքի ազատության ոլորտում՝ 19 կետով Հայաստանն առաջ է գնացել, մի բան, որ չի եղել նախկինում: Ինչ-որ չափով տնտեսական մրցակցությունը վերականգնվում է։ Մենք գիտենք, որ սա արդյունք է այնքանով, որ չարաշահումը, քաղաքական կամքի չլինելը՝ վերացել է»,- ասաց Լարիսա Մինասյանը։
Մանրամասները՝ տեսանյութում:
Ռոբերտ Անանյան
