02.07.2026 | 15:39
Եվրոպա գնացող ՔՊ-ի մտքով ո՞նց է անցել այս կարգավորումը, որից աշխարհը հրաժարվում է․ Քրիստինե Վարդանյան․ ՏԵՍԱՆՅՈՒԹ
Խմիչքի ազդեցության տակ օդ է կրակել
Հասարակություն
22.04.2019 | 15:47
ՀՀ ոստիկանությունից տեղեկացնում են, որ ապրիլի 20-ին, ժամը 01.15-ին, ոստիկանության Թումանյանի բաժնում տեղեկություններ են ստացվել, որ 1984 թ. ծնված Ռոբերտ Կ.-ն ապրիլի 19-ին, ժամը 20.30-ի սահմաններում, Ալավերդի քաղաքի Սայաթ-Նովա փողոցում ոգելից խմիչքի ազդեցության տակ իր մոտ ապօրինի պահվող , դեռևս չպարզված զենքից օդ է կրակել:
«Նյութերի նախապատրաստման ընթացքում ձեռնարկված միջոցառումների և բացատրական աշխատանքների շնորհիվ ապրիլի 20-ին, ժամը 17.50-ին, Թումանյանի բաժին է ներկայացել Ռոբերտ Կ.-ն, որը խոստովանական բացատրություն է տվել, որ ապրիլի 19-ին, ժամը 20.30-ի սահմաններում, Սայաթ-Նովայի փողոցում, ոգելից խմիչքի ազդեցության տակ, իր մոտ գտնվող՝ ընկերոջը պատկանող «ԲԵԿԱՍ-12» տիպի, 12 տրամաչափի, ողորկափող որսորդական հրացանից մեկ անգամ օդ կրակոց է արձակել:
Հրացանը վերցվել է:
Նշանակվել է դատձգաբանական փորձաքննություն»,- ասված է հաղորդագրությունում:
