11.03.2026 | 21:15
Թրամփը հայտարարել է, որ Իրանում «գործնականում ոչինչ չի մնացել» թիրախավորելու համար
Հայաստանը 19 կետով բարելավել է իր դիրքերը. «Լրագրողներ առանց սահմանների» կազմակերպությունը հրապարակել է 2019թ. աշխարհում մամուլի ազատության ինդեքսը
18.04.2019 | 14:39
«Լրագրողներ առանց սահմանների» ազդեցիկ միջազգային ոչ կառավարական կազմակերպության «Մամուլի ազատության» զեկույցի համաձայն Հայաստանը անցած տարվա համեմատ 19 կետով՝ առաջընթաց է գրանցել՝ գրավելով աշխարհում 61-րդ տեղը։
Դա պայմանավորված է անցած տարի մամուլում ու սոցիալական հարթակներում լայնորեն լուսաբանված Թավշյա հեղափոխությամբ, որով էլ պայմանավորեց կառավարության ազդեցության թուլացումը հեռուստաալիքների նկատմամբ։
Վրաստանը մեկ հորիզոնականով է բարձր և գտնվում է 60-րդ տեղում, Թուրքիան 158-րդ տեղում է, Ադրբեջանը՝ 166-րդ, Իրանը՝ 170-րդ։
Լայվերի հեղափոխություն
Նոր մեդիան դարձավ 2018թ․ գարնանը տեղի ունեցած հեղափոխության անմիջական արդյունք, որն իշխանության բերեց նախկին լրագրողի։
Հայաստանում մեդիա դաշտը բազմազան է, բայց բևեռացված, ու շատ հեռուստաալիքների խմբագրական ուղղվածությունը համընկնում է իրենց սեփականատերերի շահերի հետ։ Այլ խոսքերով, լրագրողական անկախությունն ու մեդիաների սեփականատերերի թափանցիկությունը շարունակում են մնալ մեծ խնդիր։
Թվային հեռարձակումը սահմանափակումներ առաջացրեց մի շարք մարզային հեռուստատեսությունների համար, մի խնդիր, որին նոր կառավարությունը պետք է փորձի լուծում տալ՝ վերականգնելով կորցրած հնարավորությունները։
Նաև կառավարությունը պետք է զերծ մնա ցանկացած չարաշահումից «կեղծ լուրերի» դեմ պայքարի ընթացքում։ Մտահոգություն է առաջացնում, որ այդ նպատակով օգտագործվում է անվտանգության ծառայությունը, ինչին հետևում է սոցիալական մեդիայի օգտատիրոջ ձերբակալություն։
Հետաքննական լրագրությունը, որը ծաղկում է ապրում օնլայն հարթակում, շատ լավ հնարավորություն ունի դառնալ կոռուպցիայի դեմ պայքարի համազգային հարթակ։
