19.02.2026 | 10:01
Արտարժույթների փոխարժեքները՝ փետրվարի 19-ի դրությամբ
Հիմա կոռուպցիոներներին գլխից են բռնում. Հրաչյա Հակոբյան. ՏԵՍԱՆՅՈՒԹ
Հասարակություն
17.04.2019 | 14:43
Պետական պաշտոն զբաղեցնող մարդիկ, ի վերջո, պետք է հասկանան՝ այն մոտեցումը, որ եղել է նախկին իշխանության օրոք, այլևս չի լինի։ Այս մասին Factor.am-ի հարցին ի պատասխան՝ ասաց ԱԺ «Իմ քայլը» խմբակցության պատգամավոր Հրաչյա Հակոբյանը։
Երեկ մամուլում լուրեր շրջանառվեցին, որ Պետական վերահսկողական ծառայության պետ Դավիթ Սանասարյանը որպես կասկածյալ է ներգրավվել Ազգային անվտանգության ծառայությունում քննվող քրեական գործով։
Հիշեցնենք՝ գործն առնչվում է ՊՎԾ պաշտոնատար անձանց կողմից պաշտոնեական դիրքի չարաշահմամբ պետական գնումների գործընթացին առերևույթ ապօրինի միջամտելու և օրինական ձեռնարկատիրական գործունեության համար խոչընդոտներ ստեղծելու դեպքերին։
«Բոլորս պետք է հասկանանք՝ խոշորացույցի տակ ենք, չկա այն մոտեցումը, որ մերն է՝ ձեռք չտանք։ Եթե կա չարաշահում, բոլորի հետևից գալու են»,- ասաց պատգամավորը՝ հույս հայտնելով, որ, ի վերջո, կհերքվի Դավիթ Սանասարյանի կապը կոռուպցիոն որևէ գործարքի հետ. «Լիահույս եմ, որ Դավիթ Սանասարյանի առնչությունն այդ գործին չի էլ հաստատվի»։
Մանրամասները՝ տեսանյութում:
Շողիկ Գալստյան
