24.04.2026 | 23:32
Կապանում ջրանջատում կլինի
Գագիկ Ծառուկյանի թիկնազորի նախկին պետը դատապարտվեց 3 տարի 6 ամիս ազատազրկման
Հասարակություն
06.04.2019 | 15:12
Երևանի ընդհանուր իրավասության դատարանի Կենտրոնի նստավայրում դատավոր Մեսրոպ Մակյանի նախագահությամբ երեկ կայացած նիստում դատարանը որոշել է ԱԺ ԲՀԿ խմբկացության պատգամավոր, Գագիկ Ծառուկյանի թիկնազորի նախկին պետ Էդուարդ Բաբայանին դատապարտել 3 տարի 6 ամիս ազատազրկման:
Պատիժը սակայն չի կիրառվի` համաներման ակտի համաձայն:
Այս մասին Factor.am-ին ասաց Բաբայանի պաշտպաններից Արմեն Մելքոնյանը:
Նշենք, որ Էդուրադ Բաբայանն իրեն այս գործով մեղավոր չի ճանաչում, իսկ տուժողը չնայած, որ առաջին օրերին պնդում էր, որ իրեն ծեծի է ենթարկել Բաբայանը, դատարանում հայտարարեց, որ նման դեպք տեղի չի ունեցել, ինքը վնասվածք է ստացել սայթաքելու հետևանքով:
Նա մեղադրվում է 50-ամյա Վյաչեսլավ Հարությունովի առողջությանը դիտավորությամբ ծանր վնաս պատճառելու համար:
Դեպքը տեղի էր ունեցել 2018 թ. հուլիսի 2-ին: Բաբայանը կալանավորվեց, ապա օգոստոսի 21-ին 20 մլն դրամ գրավի դիմաց ազատ արձակվեց:
Լիլիթ Շաբոյան
