20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
Ղարաբաղը թեև չճանաչված, բայց երկիր է, ոչ թե հակամարտություն. Վիգեն Սարգսյան. Interfax
Քաղաքականություն
08.05.2017 | 13:28
Ղարաբաղը թեև չճանաչված, բայց երկիր է, ոչ թե հակամարտություն, ու մինչ այս փաստը չըմբռնվի, կարգավորումն անհնար է. այս մասին հայտարարել է ՀՀ պաշտպանության նախարար Վիգեն Սարգսյանը Interfax գործակալությանը տված հարցազրույցում:
Արդեն քառորդ դար է, դե ֆակտո անկախ պայմաններում, այնտեղ իրական մարդիկ են ապրում: Նրանք ժողովրդավարական սկզբունքների վրա կառուցված իրենց կառավարությունն են ստեղծել ու պատասխանատու են իրենց որոշման համար»,- ասել է Սարգսյանը:
Խոսելով երկրի տարածքում օտարերկրյա պետությունների կողմից նոր ռազմաբազաների բացման մասին, նշել է, որ Երաևանն այն չի նախատեսում, բայց պատրաստվում է արդիականացնել Գյումրիում Ռուսաստանի բազան:
«Ներկայում Հայաստանում այլ երկրների ռազմաբազաներ բացելու քննարկումներ հաստատ չկան: Մենք նման հարցում չունենք նաև ռուսական կողմից»,- ասել է Սարգսյանը:
Նա նաև նշել է, որ Գյումրիում տեղակայված 102-րդ ռուսական ռազմաբազան մեծ նշանակություն ունի: «Մենք ինտենսիվ կերպով շփվում ենք ռուս գործընկերների հետ բազայի արդիականացման, հնարավորությունների ընդլայնման հարցերի շուրջ: Կան հստակ թեմաներ, ուղղություններ, որտեղ մեր համատեղ աշխատանքի արդյունքում կարող են ի հայտ գալ համագործակցության նոր ձևեր»,- ասել է նախարարը՝ հավելելով, որ խոսքը, մասնավորապես, ՀՕՊ ոլորտում համագործակցության մասին է:
