08.12.2025 | 13:43
Անչափահասները ծեծել են 38-ամյա տղամարդուն․ նա ծնոտի կոտրվածք է ստացել
Սամվել Ալեքսանյանի կողմից առևանգվելու մասին Համլետ Ղուշչյանի հայտարարության հիման վրա հարուցված քրգործը հասել է Քննչական կոմիտե
Հասարակություն
02.04.2019 | 11:25
ԱԺ նախկին պատգամավոր Սամվել Ալեքսանյանի կողմից հեռուստամեկնաբան Համլետ Ղուշչյանի՝ իրեն առևանգելու վերաբերյալ հայտարարության հիման վրա հարուցվել է քրեական գործ։
Factor.am-ի այս մասին փոխանցեց ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը։
«Համլետ Ղուշչյանի հայտարարության հիման վրա հարուցվել է քրգործ՝ քրեական օրենսգրքի 131 և 38-131 հոդվածների հիման վրա (առևանգում և առևանգման փորձ): Քննչական կոմիտեն քրեական գործը ստացել է ոստիկանությունից և այն վարույթ ընդունել: Կատարվում է նախաքննություն»,-ասաց Հարությունյանը։
Հիշեցնենք, որ Համլետ Ղուշչյանն իր հարցազրույցներից մեկում նշել էր, որ ԱԺ նախկին պատգամավոր, գործարար Սամվել Ալեքսանյանը առևանգել է իրեն և ատրճանակը պահել ճակատին: «էդ տականքն ով է, որ ծեծի, ուղղակի ինձ գողացել, առևանգել, տարել են գիշերով և ատրճանակը գլխիս են դրել ու ասել՝ կասես էն, ինչ քեզ կասենք։ Ես էդ բոլորի միջով անցել եմ, ես մահվան աչքերին եմ նայել, ասել եմ՝ կրակի, արա, որ բերել ես կրակի, որովհետև հետո Աստված քեզ պատժելու է, եթե ոչ մեկն էլ չպատժի»,- ասել էր նա։
Աղավնի Սուքիասյան
