02.03.2026 | 13:33
Հայ-իրանական սահմանին առանձնահատուկ շարժ չկա. Արմեն Ղազարյան․ ՏԵՍԱՆՅՈՒԹ
ՄԱԿ-ի գլխավոր քարտուղարը ողջունել է Փաշինյան-Ալիև առաջին պաշտոնական հանդիպումը և այն շեշտադրումը, որ երկու երկրների առաջնորդներն արել են խաղաղության հաստատման համար
Քաղաքականություն
30.03.2019 | 11:25
ՄԱԿ-ի գլխավոր քարտուղար Անտոնիու Գուտերեշը ողջունել է Վիեննայում մարտի 29-ին Հայաստանի Հանրապետության վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջին պաշտոնական հանդիպումը`անցկացված ԵԱՀԿ Մինսկի խմբի հովանու ներքո . տեղեկանում ենք un.org-ից:
Գլխավոր քարտուղարը ողջունել է այն շեշտադրումը, որ երկու երկրների առաջնորդներն արել են խաղաղության հաստատման համար նպաստավոր պայմանների ստեղծման և հաջող բանակցություններին ուղղված հետագա քայլերի համար: Նա նաև ողջունել է հրադադարի ամրապնդման և մարդասիրական հարցերի լուծման, ինչպես նաև հակամարտության խաղաղ կարգավորման նպատակով երկխոսության շարունակման հարցում նրանց հանձնառությունը:
Գլխավոր քարտուղարն իր գոհունակություն է հայտնել Մինսկի խմբին կարևոր միջնորդական դերի համար և վերահաստատել ՄԱԿ-ի լիակատար աջակցությունը շարունակական ջանքերին:
Հիշեցնենք, որ ԵԱՀԿ Մինսկի խմբի համանախագահները Փաշինյան-Ալիև հանդիպումից հետո հայտարարություն տարածեցին, ըստ որի՝ հանդիպումը կայացել է դրական և կառուցողական միջավայրում և հնարավորություն տվել երկու ղեկավարներին հստակեցնել իրենց համապատասխան դիրքորոշումները։
