21.06.2026 | 12:06
Հունիսի 22-ին և 23-ին գազ չի լինելու մի շարք հասցեներում
Հայաստանի և Ադրբեջանի արտգործնախարարները և ԵԱՀԿ Մինսկի խմբի համանախագահները համատեղ հայտարարություն են տարածել
Քաղաքականություն
29.03.2019 | 22:40
Վիեննայում ԵԱՀԿ Մինսկի խմբի համանախագահների հովանու ներքո (Իգոր Պոպովը ՌԴ-ից, Ստեֆան Վիսկոնտին Ֆրանսիայից, Էնդրյու Շոֆերը՝ ԱՄՆ-ից) առաջին անգամ այսօր հանդիպել են Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը։
Հանդիպմանը ներկա են եղել նաև արտաքին գործերի նախարարներ Զոհրաբ Մնացականյանն ու Էլմար Մամեդյարովը։ ԵԱՀԿ գործող նախագահի անձնական ներկայացուցիչ Անջեյ Կասպրչիկը ևս մասնակցել է հանդիպմանը։
Հանդիպումը կայացել է դրական և կառուցողական միջավայրում և հնարավորություն տվել երկու ղեկավարներին հստակեցնել իրենց համապատասխան դիրքորոշումները։
Նրանք տեսակետներ են փոխանակել կարգավորման գործընթացի առանցքային հարցերի և բովանդակային գաղափարների շուրջ։
Երկու առաջնորդներն ընդգծել են՝ խաղաղությանը նպաստող միջավայր ստեղծելու և բանակցային գործընթացում հակամարտության խաղաղ հանգուցալուծմանը հասնելու համար կարևոր է հետագայում հստակ ու շոշափելի քայլեր ձեռնարկել։
Վերհիշելով Դուշանբեում իրենց զրույցը՝ ղեկավարները վերստին ստանձնել են հրադադարի ուժեղացման և ուղիղ շփման բարելավման պարտավորությունը։
Նրանք նաև համաձայնության են եկել մարդասիրական ոլորտում որոշակի չափանիշների զարգացման հարցում։
ՀՀ վարչապետն ու Ադրբեջանի նախագահն իրենց նախարարներին հանձնարարել են մոտ ապագայում համանախագահների հետ ևս մեկ հանդիպում ունենալ։
Նրանք նաև համաձայնել են շարունակել ուղիղ երկխոսությունը։
Նելլի Մելքոնյան
