10.06.2026 | 21:00
Միկրոֆոնի փոխարեն՝ զենք․ վարժական հավաքի ծանուցագիրը պատժիչ գործի՞ք. ՏԵՍԱՆՅՈՒԹ
Հայերենի վիճակը, համեմատած երկրի քաղաքական վիճակի հետ, վատ չէ․ Մարինե Պետրոսյան
Հասարակություն
22.08.2017 | 20:25
«Շատ ուրախացա հանրային արձագանքի համար, դա նշանակում է, որ հայաստանցիների քաղաքական գիտակցությունն առողջ է»,-Factor.am-ի հետ զրույցում նման կարծիք է հայտնում բանաստեղծ Մարինե Պետրոսյանը՝ անդրադառնալով ՀՀ նախկին վարչապետ Հրանտ Բագրատյանի այն հայտարարությանը, թե հայոց լեզուն աշխարհի ամենաաղքատ լեզուներից մեկն է։
Բանաստեղծը նշում է, որ Բագրատյանի գրառման մեջ կար ծայրահեղություն, ուստի հանրային արձագանքն էլ համարժեք էր դրան։ Մարինե Պետրոսյանն անդրադառնում է նաև «Է» օժանդակ բայի փոխարեն «ա» օգտագործելու իր միտումին․ «Ա-ով լեզուն ուժեղանում ա, մոտենում ա խոսակցականին, գրական լեզուն միշտ մի քիչ արհեստական ա, իսկ հայերենում կա այդ խնդիրը՝ խոսակցականի և գրականի միջև մեծ շեղումը․ դա վատ բան ա»։
Մեր զրուցակիցը, անդրադառնալով հայոց լեզվի առնչությամբ Հայաստանի վարած պետական քաղաքականությանը, համոզմունք է հայտնում, որ այն բավարարում է իրեն: «Հայոց լեզուն այսօր ավելի արժանապատիվ վիճակում է, քան Խորհրդային Միության տարիներին»,- ասում է նա։
Մ․Պետորսյանը այն համոզման է, որ հայերենի դիրքերը բավական ամուր են․ «Եթե համեմատես Հայաստանի քաղաքական վիճակը և լեզվի վիճակը, լեզվի վիճակը վատ չի։ Եթե մենք քաղաքականապես ավելի ամրանանք, լեզուն էլ հետը կամրանա, ես վստահ եմ հայերենի համար»,- եզրափակում է նա։
Աննա Բաբաջանյան
