07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Մենք հարգում ենք հարևան երկրների ինքնիշխանությունը, բայց կշարունակենք հարձակվել իսրայելական և ամերիկյան թիրախների վրա. իրանցի զինվորականներ
Քաղաքականություն
07.03.2026 | 17:41
Իրանի զինված ուժերի կենտրոնական հրամանատարությունը, որի կազմում են բանակը, իրավապահ ուժերը և Իսլամական հեղափոխության պահապանների կորպուսը (ԻՀՊԿ), մեկնաբանել է նախագահ Մասուդ Փեզեշքիանի հայտարարությունը, ըստ որի՝ Իրանը չի հարձակվի հարևան երկրների վրա, եթե դրանք առաջինը չհարվածեն։
Իրանական իշխանություններին մոտ կանգնած Mehr News գործակալության փոխանցմամբ՝ զինվորականները նշել են, որ Իրանը «հարգում է հարևան երկրների շահերն ու ազգային ինքնիշխանությունը և նրանց նկատմամբ թշնամական գործողություններ չի իրականացրել»։
BBC-ի ռուսական ծառայության փոխանցմամբ՝ Միաժամանակ հայտարարությունում նշվում է, որ տարածաշրջանում՝ ցամաքում, ծովում կամ տիեզերքում գտնվող ԱՄՆ-ին և «սիոնիստական ռեժիմին» պատկանող բոլոր ռազմական բազաներն ու օբյեկտները կդիտարկվեն որպես Իրանի զինված ուժերի հզոր հարվածների հիմնական թիրախներ։
Իրանական հեռուստատեսությամբ Փեզեշքիանի՝ ներողություն պարունակող ուղերձի հրապարակումից հետո Կատարը, Արաբական Միացյալ Էմիրությունները և Բահրեյնը հայտարարել են, որ Իրանը փորձել է հարվածներ հասցնել իրենց տարածքին։
Իսկ ԻՀՊԿ-ն նախագահի հայտարարությունից հետո հաղորդել է ԱՄԷ-ում գտնվող «Ալ-Դաֆրա» ռազմական բազայի վրա «հաջող հարձակման» մասին՝ պնդելով, որ այն կարևոր դեր է ունեցել ԱՄՆ-ի գործողություններում։ Այս տեղեկությունը անկախ աղբյուրներով դեռ չի հաստատվել։
