06.10.2026 | 11:38
Նարեկ Կարապետյանի ճեպազրույցը․ ՈՒՂԻՂ
Իրանն այսօր շատ ծանր հարված կստանա․ Թրամփ
Քաղաքականություն
07.03.2026 | 16:00
ԱՄՆ նախագահ Դոնալդ Թարմփը truthsocial-ում արված գրառմամբ տեղեկացրել է, որ Իրանն այսօր շատ ծանր հարված կստանա՝ նշելով, որ «լրջորեն քննարկվում են լիակատար ոչնչացման և անխուսափելի մահվան դեպքեր, որոնք մինչ այս պահը չէին դիտարկվում որպես թիրախ»։
«Իրանը, որը հիմա ուժեղ հարվածների է ենթարկվում, ներողություն է խնդրել Մերձավոր Արևելքի իր հարևաններից և խոստացել է, որ այլևս նրանց վրա չի կրակի։ Այդ խոստումը տրվել է միայն ԱՄՆ-ի և Իսրայելի անընդհատ հարձակումների պատճառով։ Նրանք փորձում էին գրավել և ղեկավարել Մերձավոր Արևելքը։
Սա առաջին անգամն է, հազարավոր տարիների ընթացքում, երբ Իրանը պարտվել է իրեն շրջապատող Մերձավոր Արևելքի երկրներին։ Նրանք ասել են․ «Շնորհակալություն, նախագահ Թրամփ»։ Ես պատասխանել եմ․ «Խնդրեմ»։
Իրանն այլևս Մերձավոր Արևելքի «կռվարարը» չէ, այլ դարձել է «ՄԻՋԻՆ ԱՐԵՎԵԼՔԻ ՊԱՐՏՎԱԾԸ» և այդպիսին կմնա շատ տասնամյակներ, մինչև որ հանձնվի կամ, ավելի հավանական է, ամբողջովին փլուզվի։
Այսօր Իրանը կստանա շատ ծանր հարված։ Իրանի վատ վարքագծի պատճառով լրջորեն քննարկվում են լիակատար ոչնչացման և անխուսափելի մահվան դեպքեր, որոնք մինչ այս պահը չէին դիտարկվում որպես թիրախ։
Շնորհակալություն ձեր ուշադրության համար։
Նախագահ ԴՈՆԱԼԴ Ջ. ԹՐԱՄՓ»,- գրել է ԱՄՆ նախագահը։
Հիշեցնենք, որ 2026 թ. փետրվարի 28-ին լայնածավալ ռազմական գործողություն սկսվեց, երբ Իսրայելն ու Միացյալ Նահանգները հարվածներ հասցրին Իրանի ռազմական և հրթիռային ենթակառուցվածքներին։ Հասցված հարվածներից սպանվեց Իրանի հոգևոր առաջնորդ այաթոլլա Ալի Խամենեին։
Ըստ Իսրայելի հայտարարությունների, հարվածների նպատակն է՝ թիրախավորել Իրանի
բալիստիկ հրթիռների պահեստները, հրթիռների արտադրության օբյեկտները, հրամանատարական ստորգետնյա կենտրոնները և ԻՀՊԿ-ի ռազմական կառույցները։
Իրանն իր հերթին հրթիռներ և դրոններ է արձակել Իսրայելի ուղղությամբ, ինչպես նաև Պարսից ծոցի տարածաշրջանում տեղակայված ԱՄՆ ռազմաբազաների ուղղությամբ։
Թարգմանությունը՝ Անահիտ Խաչատրյանի
