15.06.2026 | 19:37
Սերբիան Ադրբեջան է ուղարկել Nora ինքնագնաց հաուբիցների նոր խմբաքանակ
Երևանի քաղաքային տրանսպորտում այսուհետ կարգելվի երաժշտություն միացնել
Հասարակություն
22.08.2017 | 16:32
Երևանի քաղաքապետարանը «Երևանտրանս» ՓԲԸ-ի միջոցով տնտեսվարող սուբյեկտների տնօրեններին հանձնարարել է վարորդական անձնակազմին հրահանգավորել տրանսպորտային միջոցներում բացառել երաժշտութուն միացնելու դեպքերը: Այս մասին Factor.am-ը տեղեկացավ Երևանի ավագանու «Ելք» խմբակցության անդամ Արայիկ Հարությունյանի հրապարակած նամակից:
Քաղաքապետարանը Հարությունյանին տրված պատասխանում հայտնել է, որ նշված ընկերության աշխատակիցները օրվա տարբեր ժամերին երթուղայիններում կիրականացնեն ստուգումներ:
Հիշեցնենք՝ ավելի վաղ, ընդդիմադիր խմբակցության անդամը դիմել էր քաղաքապետարան և պահանջել, համաձայն գործող օրենքի, տրանսպորտում երաժշտությունն արգելել:
«2006 թվականի դեկտեմբերի 5-ին ընդունված «Ավտոմոբիլային տրանսպորտի մասին» ՀՀ օրենքի 14-րդ հոդվածի 12-րդ կետը սահմանում է, որ «Ավտմոբիլաբին կանոնավոր փոխադրումների ժամանակ արգելվում է ավտովարորդի և ուղևորների կողմից ավտոբուսի ուղեսրահում երաժշտություն միացնելը ներքաղաքային և մերձքաղաքային փոխադրումներում…»,- ասված էր քաղաքապետարանին ուղղված Հարությունյանի նամակում:
Շողիկ Գալստյան
