10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Իրանը կարող է 5 օրում վերսկսել ուրանի 20 տոկոսանոց հարստացումը
Քաղաքականություն
22.08.2017 | 17:04
Իրանի Ատոմային էներգիային կազմակերպության ղեկավար Ալի Աքբար Սալեհին իրանական Al Alam հեռուստաալիքին տված հարցազրույցում հայտարարել է, որ Իրանին ընդամենը 5 օր է պետք՝ վերսկսելու ուրանի հարստացման աշխատանքները՝ այն հասցնելով մինչև 20% մակարդակի, որը բավարար է ռազմական կարիքներ համար. հայտնում է eadaily.com-ը:
«Եթե մենք ընդունենք համապատասխան որոշում, ապա կարող ենք առավելագույնը 5 օրվա ընթացքում վերսկսել ուրանի՝ մինչև 20 տոկոս հարստացումը»,- ասել է Սալեհին։
Նա այդ հայտարարությունն արել է Թեհրանի և Վաշինգտոնի միջև հարաբերություններում լարվածության նոր ալիքի ֆոնին։ Մասնավորապես, խոսքը օգոստոսի սկզբին ԱՄՆ նախագահ Դոնալդ Թրամփի կողմից պատժամիջոցների խստացման վերաբերյալ հրամանի ստորագրման մասին է, որը տարածվում է նաև Իրանի վրա։
Ինչպես ավելի վաղ տեղեկացրել էր Factor.am-ը, Իրանի Իսլամական Հանրապետության նախագահ Հասան Ռոհանին հայտարարել էր, որ Իրանը սպառնում է անմիջապես դուրս գալ միջուկային համաձայնագրից, եթե Վաշինգտոնը նոր պատժամիջոցներ սահմանի Թեհրանի դեմ:
«Եթե ԱՄՆ-ն ցանկանա դիմել նույն այն մեթոդներին՝ պատժամիջոցներին, ապա մենք կարճ ժամանակամիջոցում, ոչ թե շաբաթվա կամ ամսվա ընթացքում, այլ մի քանի օրից կամ ժամից, կվերադառնանք նախկին՝ միջուկային գործարքի կնքմանը նախորդած իրադրությանը»,- ասել էր նա:
