10.03.2026 | 19:30
Լավրովն ու Արաղչին հեռախոսազրույց են ունեցել
«Հայաստանից մոտ 1.5 մլն հեռացածները կարող են նոր պահանջ ներկայացնել ՀՀ իշխանությանը` իրենց իրավունքները վերականգնելու համար». Աղասի Ենոքյան
Քաղաքականություն
22.08.2017 | 15:25
Քաղաքագետ Աղասի Ենոքյանը, ով արդեն կես տարի հեռացել է Հայաստանից և բնակվում է Միացյալ Նահանգներում, Factor.am-ի հետ զրույցում ասում է, որ իր գործունեության համար որևէ բնագավառ չի տեսել Հայաստանում, քանի որ վերջին տարիներին «բացասական գործոններ են ավելացել»:
«Անկախությունից հետո շուրջ 1.5 մլն մարդ է հեռացել Հայաստանից, այդքան մարդ հայրենազրկվել, ունեզրկվել է: Սա շատ լուրջ թիվ է»,- նշում է Հայաստանից հեռացած քաղաքագետը՝ շարունակելով. «Հիշենք, որ Մեծ եղեռնի տարիներին էլի Հայաստանը պակասեց 1.5 մլն-ով: Հայաստանից հեռացած մարդկանց համար շատ մեծ տարբերություն չկա՝ ով է իրենց ունեզրկողը: Սա նոր գործոն է և որոշ ժամանակ անց Հայաստանից հեռացածները կարող են նոր պահանջ ներկայացնել իրենց իրավունքների վերականգնման համար: Այն, ինչ այսօր անում են Հայ դատի հանձնաժողովները»:
Աղասի Ենոքյանի խոսքերով՝ Ռուսաստանի դեմ ԱՄՆ պատժամիջոցները բացասաբար են ազդելու Հայաստանի տնտեսական և սոցիալական իրավիճակի վրա, սակայն, միևնույն ժամանակ դրանք կարող են բերել Ռուսաստանի` այնքան թուլացման, որ այն դադարեցնի իր ագրեսիվ քաղաքականությունը տարածաշրջանում, այդ թվում՝ Հայաստանում, և այդ ամենի արդյունքում Հայաստանում ապագաղութացման հնարավորություն լինի:
«Եղել են Ռուսաստանի պատմության մեջ դեպքեր, 1991-92 թվականներին, երբ Ռուսաստանը հրաժարվեց Հայաստանից : Չեմ բացառում, որ նման մի իրավիճակում հայտնվի Կրեմլը»,-կարծում է քաղաքագետը:
Ինչ վերաբերում է ԵՏՄ-ից դուրս գալու հայտարարություններին, քաղաքագետը դրանք վեհերոտ է անվանում. «Մեր իշխանությունները գտնվում են Ռուսաստանի ուղղակի շանտաժի տակ և չեն գնա ԵՏՄ-ից դուրս գալու ուղղությամբ»:
Մանրամասները դիտեք Factor.am-ի հետ քաղաքագետ Աղասի Ենոքյանի հարցազրույցում:
Մարինե Խառատյան
