09.07.2026 | 23:46
Տավրոս Սափեյանը հրաժարվել է պատգամավորական մանդատից
Հրաչյա Հարությունյանը կշարունակի պատիժը կրել հայաստանյան բանտում
Հասարակություն
18.08.2017 | 16:46
Էրեբունի և Նուբարաշեն վարչական շրջանների ընդհանուր իրավասության դատարանում Աննա Դանիբեկյանի նախագահությամբ բավարարեց ԱՆ ՔԿ վարչության միջնորդությունը, ըստ որի՝ Հրաչյա Հարությունյանը կշարունակի պատիժը կրել Հայաստանի բանտում:
Հիշեցնենք՝ Արդարադատության նախարարության Քրեակատարողական վարչությունը Հրաչյա Հարությունյանի հարցով միջնորդություն է ներկայացրել Նուբարաշեն և Էրեբունի վարչական շրջանների ընդհանուր իրավասության դատարան, որպեսզի ռուսական դատարանի վճիռը ճանաչվի:
Հիշեցնենք՝ Ռուսաստանի Դաշնությունում դատապարտված Հրաչյա Հարությունյանը հուլիսի 20-ին տեղափոխվել է Հայաստանի Հանրապետություն՝ «Դատապարտյալների փոխանցման մասին» 1983թ. եվրոպական կոնվենցիայով սահմանված կարգով պատժի մնացած մասը կրելու համար: Հարությունյանը «Կամազ» մակնիշի մեքենայով 2013-ի հուլիսի 13-ին ՌԴ Պոդոլսկի շրջանի մերձակայքում բախվել էր մարդատար ավտոբուսին, ինչի հետևանքով զոհվել էր 18 մարդ: Մոսկվայի Տրոիցկի շրջանի դատարանի կողմից Հրաչյա Հարությունյանը դատապարտվել էր 6 տարի ու 9 ամիս ազատազրկման:
Շողիկ Գալստյան
