03.02.2026 | 17:45
Ֆրանսիայի ԱԺ-ում Ադրբեջանի կողմից Արցախի ղեկավարների ազատ արձակման վերաբերյալ բանաձև կներկայացվի
Իրանին թույլ չի տրվի միջուկային զենք ունենալ. Նիկի Հեյլի
Քաղաքականություն
16.08.2017 | 11:43
Թեհրանին թույլ չի տրվի միջուկային զենք ունենալ՝ հայտարարել է ՄԱԿ-ում ԱՄՆ մշտական ներկայացուցիչ Նիկի Հեյլին՝ ի պատասխան միջուկային համաձայնագրից Իրանի դուրս գալու հնարավորության մասին երկրի նախագահ Հասան Ռոհանիի հայտարարության, փոխանցում է ria.ru-ն:
Հիշեցնենք, որ Իրանի նախագահ Հասան Ռոհանին ասել էր. «Եթե ԱՄՆ-ն ցանկանա դիմել նույն այն մեթոդներին՝ պատժամիջոցներին, ապա մենք կարճ ժամանակամիջոցում, ոչ թե շաբաթվա կամ ամսվա ընթացքում, այլ մի քանի օրից կամ ժամից, կվերադառնանք նախկին՝ միջուկային գործարքի կնքմանը նախորդած իրադրությանը»:
«Չի կարելի թույլ տալ Իրանին օգտագործելու միջուկային համաձայնագիրը՝ աշխարհը պատանդ պահելու համար: Ոչ մի պարագայում չի կարելի Իրանին թույլ տալ միջուկային զենք ունենալ», – ասվում է Հեյլիի հայտարարությունում։
ԱՄՆ ներկայացուցիչը նաև ընդգծել է, որ անհրաժեշտ է շարունակել Իրանին պատասխանատվության ենթարկել հրթիռային արձակումների, ահաբեկչությանն աջակցելու, մարդու իրավունքները ոտնահարելու և ՄԱԿ ԱԽ բանաձևերը խախտելու համար։
