30.05.2026 | 13:33
Իոաննիսյանը չզրկվեց դիտորդական հավատարմագրումից, սակայն պարտավորվեց վերացնել Մարուքյանի մասին գրառումները
«Սասնա ծռեր» խմբի 10 անդամների գործով դատական նիստերը կլինեն դռնփակ. Մեսրոպ Մակյան. ՏԵՍԱՆՅՈՒԹ
Հասարակություն
27.02.2019 | 12:40
«Սասնա ծռեր» խմբի տասը անդամի գործով նախագահող դատավոր Մեսրոպ Մակյանի որոշմամբ՝ այսուհետ սույն քրեական գործը կշարունակի քննվել դռնփակ կարգով, բացառությամբ լրատվականների:
Դատավորը նման որոշում կայացրեց այն բանից հետո, երբ միջադեպ տեղի ունեցավ «Սասնա ծռերի» համակիրների և գործով տուժող ճանաչված նախկին ոստիկան Արամ Հովհաննիսյանի ընկերների միջև:
Մակյանը քաղաքացիներին հիշեցրեց, որ մի քանի նիստ առաջ կրկին նման որոշում էր կայացրել՝ հասարակական կարգը պահպանելու համար, սակայն հետո իր որոշումը վերանայել էր:
Նա նաև նշեց, որ գործի թափանցիկությունը պահելու համար նիստը բաց կլինի լրատվամիջոցների համար. «Որպեսզի որոշ անձինք չհայտարարեն, որ նիստերը դռնփակ են անցկացվում՝ գործը ծածկադմփոց անելու համար, նիստերը օնլայն ռեժիմով կհեռարձակվեն»:
Մանրամասները` տեսանյութում:
Լիլիթ Շաբոյան
