08.12.2025 | 22:59
Անհրաժեշտ միջոցներ կձեռնարկենք Միքայել սրբազանի առողջության իրավունքը պաշտպանելու համար. Պաշտպանական թիմի հայտարարությունը
Հավասարության նշանառության ներքո. ԱՄՆ-ում ծրագրում են փակել ՌԴ գլխավոր հյուպատոսություններից մեկը
Քաղաքականություն
11.08.2017 | 11:40
Ամերիկյան իշխանությունները կարող են պահանջել ՌԴ-ից փակել ԱՄՆ-ի տարածքի ռուսական գլխավոր հյուպատոսություններից մեկը։ Այս մասին հայտնում է Kommersant-ը:
Այսպիսով՝ Վաշինգտոնը կարող է պատասխանել Մոսկվայի կողմից սահմանված պատժամիջոցներին, քանի որ ներկա պահին ԱՄՆ-ը ՌԴ-ի տարածքում ունի 3 գլխավոր հյուպատոսություն, իսկ ՌԴ-ն՝ 4:
Ավելի վաղ ՌԴ ԱԳՆ-ը հայտնել էր, որ օգոստոսի 1-ից դադարեցվում է ԱՄՆ դեսպանատան կողմից Մոսկվայի Դորոժնայա փողոցում գտնվող բոլոր պահեստային տարածքների, ինչպես նաև «Սերեբրյան բոր»-ի առանձնատան օգտագործումը։ Մոսկվան առաջարկել էր Վաշինգտոնին մինչև սեպտեմբերի 1-ն իր դիվանագետների թիվը համապատասխանեցնել ԱՄՆ-ում աշխատող ռուս դիվանագետների թվին՝ հասցնելով նրանց թիվը 455-ի։
Պարբերականը նշում է, որ այժմ ԱՄՆ-ը ՌԴ-ի տարածքում ունի 3 գլխավոր հյուպատոսություն՝ Սանկտ Պետերբուրգում, Եկատերինբուրգում և Վլադիվոստոկում։ Իսկ ՌԴ-ն ԱՄՆ-ի տարածքում ունի 4 գլխավոր հյուպատոսություն՝ Նյու Յորքում, Սան Ֆրանցիսկոյում, Սիեթլում և Հյուսթոնում։
Ռուսական գլխավոր հյուպատոսություններից թե որ մեկը կհայտնվի հարվածի տակ՝ թերթի աղբյուրները չեն հստակեցնում։
